சிறுவனை அடித்ததை தட்டிக்கேட்ட தந்தை மீது கல்வீசி தாக்குதல் : தூத்துக்குடியில் ரவுடி கைது!

» செய்திகள் - விளையாட்டு » மாவட்ட செய்தி (தூத்துக்குடி)

சிறுவனை அடித்ததை தட்டிக்கேட்ட தந்தை மீது கல்வீசி தாக்குதல் : தூத்துக்குடியில் ரவுடி கைது!

திங்கள் 13, ஏப்ரல் 2026 11:17:06 AM (IST)

தூத்துக்குடியில் தனது மகனைத் தாக்கியதை தட்டிக்கேட்ட தந்தை மீது கல்வீசித் தாக்குதல் நடத்தி, வாகனத்தைச் சேதப்படுத்திய வழக்கில் ரவுடியை போலீசார் கைது செய்துள்ளனர்.

தூத்துக்குடி முனியசாமிபுரம் பகுதியைச் சேர்ந்தவர் சீனிவாசன் (45), டைல்ஸ் தொழிலாளி. இவருடைய மகன் பிருத்விராஜை, அதே பகுதியைச் சேர்ந்த சதீஷ்குமார் (38) என்பவரது மகன் கடந்த 10 நாட்களுக்கு முன்பு அவதூறாகப் பேசியதாகக் கூறப்படுகிறது. இதனால் இரு குடும்பத்தினரிடையே முன்விரோதம் இருந்து வந்துள்ளது.

இந்நிலையில், கடந்த 11-ம் தேதி இரவு சுடலை காலனி நடுத்தெருவில் நின்று கொண்டிருந்த பிருத்விராஜை, அங்கு வந்த சதீஷ்குமார் திடீரென கன்னத்தில் அறைந்துள்ளார். தகவல் அறிந்து சம்பவ இடத்திற்கு வந்த சீனிவாசன், தனது மகனை ஏன் அடித்தாய் எனக் கேட்டுள்ளார். இதில் ஆத்திரமடைந்த சதீஷ்குமார், சீனிவாசனை ஆபாசமாகப் பேசியதுடன், கல்லை எடுத்து அவர் மீது வீசித் தாக்குதல் நடத்தியுள்ளார்.

இத்தாக்குதலில் சீனிவாசனுக்கு பலத்த காயம் ஏற்பட்டது. மேலும், அங்கு நிறுத்தப்பட்டிருந்த சீனிவாசனின் ஸ்கூட்டியையும் சதீஷ்குமார் அடித்து நொறுக்கினார். காயமடைந்த சீனிவாசன் தூத்துக்குடி அரசு மருத்துவமனையில் சிகிச்சைக்காக அனுமதிக்கப்பட்டார். அவர் அளித்த புகாரின் பேரில் தூத்துக்குடி தெற்கு காவல் நிலையப் போலீசார் வழக்குப் பதிவு செய்தனர்.

தலைமறைவாக இருந்த சதீஷ்குமாரை தென்பாகம் காவல் ஆய்வாளர் திருமூருகன் கைது செய்தார். கைது செய்யப்பட்ட சதீஷ்குமார் காவல்துறை ஆவணங்களில் 'சி' பிரிவு ரவுடியாக உள்ளார். இவர் மீது ஏற்கனவே பல்வேறு வழக்குகள் நிலுவையில் உள்ள நிலையில், கடந்த 08.04.2026 அன்றுதான் ஒரு வழக்கில் பிணையில் வெளிவந்துள்ளார் என்பது குறிப்பிடத்தக்கது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: