பராமரிப்பு பணி : திருச்செந்தூர், வைகை, குருவாயூர் எக்ஸ்பிரஸ் ரயில்கள் நேரம் மாற்றம்!

» செய்திகள் - விளையாட்டு » மாவட்ட செய்தி (தூத்துக்குடி)

பராமரிப்பு பணி : திருச்செந்தூர், வைகை, குருவாயூர் எக்ஸ்பிரஸ் ரயில்கள் நேரம் மாற்றம்!

சனி 8, மார்ச் 2025 8:25:30 AM (IST)

பராமரிப்பு பணி காரணமாக ரயில் திருச்செந்தூர், வைகை, குருவாயூர் எக்ஸ்பிரஸ் ரயில்கள் நேரம் மாற்றம் செய்யப்படுகிறது.

பராமரிப்பு பணி காரணமாக திருச்செந்தூர், வைகை, குருவாயூர் எக்ஸ்பிரஸ் ரயில்கள் சேவையில் மாற்றம் செய்யப்பட்டுள்ளது. இதுகுறித்து தெற்கு ரயில்வே வெளியிட்டுள்ள செய்திக்குறிப்பில் கூறியிருப்பதாவது, "பராமரிப்பு பணி காரணமாக சில எக்ஸ்பிரஸ் ரயில்கள் பகுதிநேரமாக ரத்து செய்யப்படுகிறது.

அதன்படி, திருச்செந்தூரில் இருந்து நாளை (மார்ச் 8) இரவு 8.35 மணிக்கு புறப்பட்டு சென்னை எழும்பூர் வரும் எக்ஸ்பிரஸ் ரயில் (வண்டி எண்-20606) தாம்பரம்- எழும்பூர் இடையே பகுதிநேரமாக ரத்து செய்யப்படுகிறது.

திருவண்ணாமலையில் இருந்து 9 ஆம் தேதி அதிகாலை 4.30 மணிக்கு புறப்பட்டு தாம்பரம் வரும் பயணிகள் ரயில் சென்னை கடற்கரை-தாம்பரம் இடையே பகுதிநேரமாக ரத்து செய்யப்படுகிறது.

அதே தேதியில், நெல்லையில் இருந்து எழும்பூர் வரும் வந்தே பாரத் ரயில் (20666) மாம்பலம்-எழும்பூர் இடையே பகுதிநேரமாக ரத்து செய்யப்படுகிறது.

மதுரையில் இருந்து 9 ஆம் தேதி காலை 6.45 மணிக்கு புறப்பட்டு எழும்பூர் வரும் வைகை எக்ஸ்பிரஸ் ரயில் (12636) தாம்பரம்-எழும்பூர் இடையே பகுதிநேரமாக ரத்து செய்யப்படுகிறது.

எழும்பூரில் இருந்து வருகிற 9 ஆம் தேதி குருவாயூர் செல்லும் ரயில் (16127) எழும்பூருக்கு பதில் தாம்பரத்தில் இருந்து காலை 10.50 மணிக்கு புறப்படும். அதே தேதியில், எழும்பூரில் இருந்து காரைக்குடி செல்லும் எக்ஸ்பிரஸ் ரயில் (12605) எழும்பூருக்கு பதிலாக தாம்பரத்தில் இருந்து மாலை 4.10 மணிக்கு புறப்படும்.

எழும்பூரில் இருந்து 9 ஆம் தேதி திருச்செந்தூர் செல்லும் ரயில் (20605) எழும்பூருக்கு பதிலாக தாம்பரத்தில் இருந்து மாலை 4.27 மணிக்கு புறப்படும் என்று இவ்வாறு அதில் கூறப்பட்டுள்ளது. மேலும் பயணிகள் இதற்கேற்ப தங்களது பயணங்களை மாற்றிக்கொள்ளுமாறு கூறப்படுகிறது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: