தவெக அரசு என்னைத் தீவிரவாதியைப் போல நடத்தியது: ஜீ.வி. மாா்க்கண்டேயன் எம்எல்ஏ பேட்டி

கைது நடவடிக்கைகள் மூலமாக திமுகவினரை முடக்கி விட முடியாது. தவெக அரசு என்னைத் தீவிரவாதியைப் போல நடத்தியது என்று ஜீ.வி. மாா்க்கண்டேயன் எம்எல்ஏ கூறினார். 

தமிழக முதல்வர் ஜோசப் விஜய்யை விமர்சித்ததாகக் கைது செய்யப்பட்டு, நிபந்தனை ஜாமீனில் விடுவிக்கப்பட்ட நபர், தூத்துக்குடி மாவட்ட குற்றப்பிரிவு காவல் நிலையத்தில் நேற்று கையொப்பமிட்டார். பின்னர், காவல் நிலைய வளாகத்தில் செய்தியாளர்களைச் சந்தித்துப் பேசியதாவது: "கைது நடவடிக்கைகள் மூலமாக திமுகவினரை முடக்கி விட முடியாது. தவெக அரசு என்னைத் தீவிரவாதியைப் போல நடத்தியது. தமிழக அரசின் நிதிநிலை அறிக்கையில் பொதுமக்கள் எதிர்பார்த்த திட்டங்களோ அல்லது தேர்தல் வாக்குறுதிகளில் அறிவிக்கப்பட்ட திட்டங்களோ இடம்பெறவில்லை.

சட்டப்பேரவைக் கூட்டத்தின் போது முதல்வரை நீங்கள் அவதூறாகப் பேசியிருக்கிறீர்கள் என்று கூறினார்கள். அதற்கான விளக்கத்தை நான் தெளிவாகத் தெரிவித்துள்ளேன். முதல்வர் பக்குவமாக நடந்துகொண்டால் எந்தப் பிரச்சினையும் இருக்காது. தற்போது தமிழகத்தில் முதலீடுகள் வெகுவாகக் குறைந்துள்ளன. சுமார் 75 சதவீத முதலீடுகள் மேற்கு வங்கம், ஆந்திரா, மகாராஷ்டிரா உள்ளிட்ட பிற மாநிலங்களுக்குச் சென்றுவிட்டன" என்று அவர் தெரிவித்தார்.