தமிழ்நாடு கடல்சார் பயிற்சி கழகத்தில் ஆட்சியர் விஷூ மகாஜன் ஆய்வு!

தூத்துக்குடி மாவட்ட ஆட்சியர் விஷு மகாஜன் இன்று (18.07.2026) தூத்துக்குடி மாநகராட்சிக்குட்பட்ட கடற்கரை சாலை பகுதியில் உள்ள தமிழ்நாடு கடல்சார் பயிற்சி கழகம், ஐ.சி.ஏ.ஆர் - மத்திய கடல் மீன்வள ஆராய்ச்சி நிறுவனம் ஆகிய துறைகளில் மேற்கொள்ளப்பட்டு வரும் திட்ட பணிகளை ஆய்வு மேற்கொண்டார்.

தூத்துக்குடி மாநகராட்சிக்குட்பட்ட கடற்கரை சாலை பகுதியில் உள்ள தமிழ்நாடு கடல்சார் பயிற்சி கழகத்தில் 6 மாத பொதுமுறை மாலுமி பயிற்சி பெறும் மாணவர்களுக்கு வழங்கப்படும் (உண்டு உறைவிட கழகம்) பயிற்சிகள் குறித்தும், ஐ.சி.ஏ.ஆர் - மத்திய கடல் மீன்வள ஆராய்ச்சி நிறுவனம் ஆய்வகத்தில் முத்துச்சிப்பி, கணவாய், ஆக்கு, சங்கு, தாவர மிதவை உயிர்கள், சூழலியல் நச்சுயியல், கடல் சார் உயிரினங்களின் கண்காட்சி, மீன் உயிரியல் போன்ற பல்வேறு கடல் சார் உயிர் ஆய்வகத்தின் பயன்பாடுகள் குறித்து கேட்டறிந்து மாவட்ட ஆட்சியர் விஷு மகாஜன். ஆய்வு மேற்கொண்டார்.

அதனைத்தொடர்ந்து, மாவட்ட ஆட்சியர் அலுவலகக் கூட்டரங்கில் சிந்தனை சிறகுகள் திட்டத்தின் கீழ் செயற்கை நுண்ணறிவு பயிற்சி (AI) அனைத்து துறை அலுவலர்களுக்கு மாவட்ட ஆட்சியர் தலைமையில் நடைபெற்றது.

இந்நிகழ்வில், தூத்துக்குடி மீன்வளம் மற்றும் மீனவர் நலத்துறை உதவி இயக்குநர் புஷ்ரா ஷப்னம், ஐ.சி.ஏ.ஆர் - மத்திய கடல் மீன்வள ஆராய்ச்சி நிறுவனத்தின் தலைமை விஞ்ஞானி லவ் ஸன், தமிழ்நாடு கடல்சார் பயிற்சி கழகம் முதல்வர் எர்ணஸ்ட் விமல் பெர்ணான்டோ ஆகியோர் உள்ளனர்.