விஸ்வகர்மா ஜெயந்தி விழா: மாட்டு வண்டி போட்டி!

» செய்திகள் - விளையாட்டு » மாவட்ட செய்தி (தூத்துக்குடி)

விஸ்வகர்மா ஜெயந்தி விழா: மாட்டு வண்டி போட்டி!

ஞாயிறு 21, செப்டம்பர் 2025 6:46:14 PM (IST)

விளாத்திகுளத்தில் விஸ்வகர்மா ஜெயந்தி விழாவை முன்னிட்டு மாபெரும் மாட்டு வண்டி போட்டி நடைபெற்றது.

தூத்துக்குடி மாவட்டம் விளாத்திகுளத்தில் விஸ்வகர்மா ஜெயந்தி முன்னிட்டு விளாத்திகுளம் சுற்று வட்டார விஸ்வகர்மா மக்கள் மேம்பாட்டு சங்கம் சார்பில் சின்ன மாடு மற்றும் பூஞ்சிட்டு மாட்டு வண்டி எல்கை பந்தயம் நடைபெற்றது. இதில் தூத்துக்குடி, திருநெல்வேலி, விருதுநகர், தென்காசி, இராமநாதபுரம், தேனி உள்ளிட்ட மாவட்டங்களில் இருந்து 99 ஜோடி மாட்டு வண்டிகள் கலந்து கொண்டன.

முதலாவதாக நடைபெற்ற சின்ன மாட்டு வண்டி பந்தயத்தில் 51 ஜோடி காளைகள் கலந்து கொண்ட இந்த மாட்டு போட்டி விளாத்திகுளம்- மதுரை சாலையில் நடைபெற்றது.இந்த போட்டியை விளாத்திகுளம் எம்எல்ஏ மார்கண்டேயன் கொடியசைத்து தொடங்கி வைத்தார். இதனைத் தொடர்ந்து பூஞ்சிட்டு மாட்டு வண்டி பந்தயம் நடைபெற்றது. இந்த பூஞ்சிட்டு மாட்டுவண்டி போட்டியில் 48 ஜோடி மாட்டு வண்டிகள் கலந்து கொண்டன.

சின்ன மாட்டு வண்டி போட்டியில் முதல் பரிசை பரமசிவன் செமபுதூர், சீவலப்பேரி துக்காம்பிகா ஆகிய வண்டியும், இரண்டாம் பரிசு பரணி ஜெயம் ஜக்கம்மாள்புரம், சுரேஷ் -பாளையங்கோட்டை மாட்டு வண்டியும், மூன்றாவது பரிசு குப்பக்குறிச்சி, பூலாங்கால் மாட்டுவண்டியும் பெற்றன.

விழாவின் முடிவில் வெற்றி பெற்ற மாட்டின் உரிமையாளருக்கும் ஓட்டி வந்த சாரதிகளுக்கும் பரிசு தொகை, மற்றும் சால்வை அனுவித்து கவுரவிக்கப்பட்டனர். இந்த மாட்டுவண்டி போட்டி ஏற்பாடு பாலகுருநாதன் குருராஜ், முனியசாமி, மேலும் இந்த மாட்டு வண்டியை போட்டியை காண விளாத்திகுளம் சுற்றுவட்டார பகுதி பொதுமக்கள் சாலையின் இருபுறமும் கூடி நின்று கைதட்டி உற்சாகப்படுத்தினர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: