தூத்துக்குடி நகரத்தில் நவீன ரோந்து வாகனம் : எஸ்பி ஆல்பர்ட் ஜான் உத்தரவு

அவரது உத்தரவின்படி தூத்துக்குடி நகர உட்கோட்ட காவல் உதவி கண்காணிப்பாளர் மதன் சீரிய முயற்சினால் தூத்துக்குடி நகர உட்கோட்ட காவல் காவல் ரோந்து வாகனத்தில் 360டிகிரி சுழலுக்கூடியதும், 100மீட்டர் தூரம் தெளிவான காட்சிகளை பதிவு செய்யும் வசதியும், முக அடையாளம் மற்றும் குற்ற வழக்குகளில் தொடர்புள்ளவரா என கண்டறியும் FRS (Facial Recognition System) என்னும் நவீன வசதிகளுன் கூடிய PTZ ( Pan Tilt and Zoom Camera) என்னும் சிசிடிவி கேமரா மற்றும் வாகன எண்களை தானியங்கி முறையில் தெளிவாக பதிவு செய்யும் ANPR (Automatic Number Plate Recognition Camera) ஆகிய சிசிடிவி கேமராக்கள் பொறுத்தப்பட்டது.

மேற்படி நவீன வசதிகளுடன் மேம்படுத்தப்பட்டு தூத்துக்குடி மாவட்ட ஒருங்கிணைந்த நீதிமன்ற வளாகம் முன்பாக பாதுகாப்பு பணியில் ஈடுபட்டிருந்த காவல் ரோந்து வாகனத்தின் செயல்பாடுகளை இன்று மாவட்ட காவல் கண்காணிப்பாளர் திரு. ஆல்பர்ட் ஜான் இ.கா.ப அவர்கள் ஆய்வு செய்தார்.

மேலும் தூத்துக்குடி நகர உட்கோட்டம் முழுவதும் நீதிமன்ற பாதுகாப்பு பணி, பள்ளிகள், பெண்கள் விடுதி, மருத்துவமனை பகுதிகள் உட்பட தூத்துக்குடி நகரத்தின் அனைத்து முக்கிய இடங்களிலும் குற்ற சம்பவங்கள் நிகழாமல் தடுக்கும் பொருட்டு 24 மணி நேரமும் தீவிர ரோந்து பணி மேற்கொண்டு பாதுகாப்பு பணியில் ஈடுபட வேண்டும் என்று காவல்துறையினருக்கு அறிவுரைகள் வழங்கினார்.