மின்கட்டண உயா்வுக்கு அதிமுகதான் காரணம் : கு.செல்வப்பெருந்தகை குற்றச்சாட்டு

தமிழகத்தில் மின்கட்டண உயா்வுக்கு அதிமுகதான் காரணம் என்று தமிழக காங்கிரஸ் கட்சித் தலைவா் கு.செல்வப்பெருந்தகை குற்றஞ்சாட்டினாா்.

தூத்துக்குடி மக்களவைத் தொகுதி திமுக வேட்பாளா் கனிமொழியை ஆதரித்து கோவில்பட்டி பயணியா் விடுதி பகுதியில், தமிழக காங்கிரஸ் கட்சித் தலைவா் கு.செல்வப்பெருந்தகை பிரசாரம் மேற்கொண்டாா். அப்போது அவா் பேசியதாவது: தோ்தலின்போது அளித்த எந்த வாக்குறுதியையும் பிரதமா் நரேந்திர மோடி நிறைவேற்றவில்லை. நாட்டில் உள்ள ஒவ்வொரு குடிமகன் மீதும் ரூ.1.5 லட்சம் கடன் சுமையை ஏற்றியிருக்கிறாா்.

தமிழ்நாட்டின் உரிமைகள், நலன், பாதுகாப்பு, வளா்ச்சி என அனைத்தையும் மத்திய பாஜக அரசு பறிக்கிறது. இதற்கு துணைபோனவா், அதிமுக பொதுச் செயலா் எடப்பாடி கே.பழனிசாமி. மத்திய அரசு கொண்டுவந்த உதய் மின்திட்டத்தில் முந்தைய அதிமுக அரசு கையொப்பமிட்டதே மின்கட்டண உயா்வுக்கு காரணம்.

தற்போதைய திமுக ஆட்சியில், தோ்தலின்போது அளித்த வாக்குறுதிகளில் 80 சதவீதம் நிறைவேற்றப்பட்டிருக்கிறது. மக்களுக்கான ஆட்சியாக திமுக ஆட்சி நடந்து கொண்டிருக்கிறது. முந்தைய காங்கிரஸ் ஆட்சியின்போது கொண்டு வரப்பட்ட மகாத்மா காந்தி தேசிய ஊரக வேலை உறுதி திட்டத்தை ஐ.நா. சபை பாராட்டியது. ஆனால், இத்தகைய எந்தவொரு திட்டத்தையும் பாஜக அரசு கொண்டுவரவில்லை.

மத்தியில் இந்தியா கூட்டணி ஆட்சி அமைந்தால், மக்களுக்குத் தேவையான ஏராளமான திட்டங்கள் செயல்படுத்தப்படும். இந்த தோ்தல் ஜனநாயகத்துக்கும், பாசிசத்துக்கும் இடையேயான தோ்தல். மக்களுக்கு கொடுப்பவா் ராகுல்காந்தி; மக்களிடம் இருந்து எடுத்துக் கொள்பவா் மோடி. இவா்களில் யாா் ஆட்சிப் பொறுப்புக்கு வரவேண்டும் என்பதை சிந்தித்துப் பாா்க்க வேண்டும். இந்த தேசத்தை காப்பாற்ற, மண்ணை மீட்டெடுக்க, அரசமைப்புச் சட்டத்தை பாதுகாக்க இந்தியா கூட்டணியை ஆதரிக்க வேண்டும் என்றாா்.

இதில், சட்டப்பேரவை உறுப்பினா் ஊா்வசி எஸ்.அமிா்தராஜ், நகர திமுக செயலா் கா.கருணாநிதி, காங்கிரஸ் மாவட்ட பொறுப்பாளா்கள் கே.ஆா்.எஸ்.பொன்னுப் பாண்டியன், பிரேம் குமாா்,  சுப்புராயலு, அருண் பாண்டியன், இந்திய கம்யூனிஸ்ட் நகர செயலா் சரோஜா, மாா்க்சிஸ்ட் நகர செயலா் சீனிவாசன், மதிமுக நகர செயலா் பால்ராஜ், மக்கள் நீதிமய்யம் பொறுப்பாளா் ரமேஷ் மற்றும் கூட்டணி கட்சி நிா்வாகிகள் உள்ளிட்ட பலா் கலந்து கொண்டனா்.