தூத்துக்குடியில் 102 வயது முதியவருக்கு இடுப்பு எலும்பு மூட்டு மாற்று அறுவை சிகிச்சை

தூத்துக்குடியைச் சேர்ந்த 102 வயது விவசாயிக்கு இடுப்பு எலும்பு மூட்டு மாற்று அறுவை சிகிச்சை செய்து கே.ஜி. மருத்துவமனை சாதனை படைத்துள்ளது.

தூத்துக்குடி போல்பேட்டையில் கே.ஜி.நர்ஸிங் ஹோம் இயங்கி வருகிறது. இங்கு எலும்பு முறிவு மற்றும் மூட்டு மாற்று அறுவை சிகிச்சை நிபுணர் மருத்துவர் கோகுலகிருஷ்ணன் தலைம மருத்துவராக செயல்பட்டு சிகிச்சை அளித்து வருகிறார். தூத்துக்குடியைச் சேர்ந்த 102 வயது விவசாயி கந்தசாமி இடுப்பு எலும்பு ஒடிந்த நிலையில் கே.ஜி. மருத்துவமனையில் அனுமதிக்கப்பட்டார். அவருக்கு இடுப்பு எலும்பு மூட்டு மாறு அறுவை சிகிச்சை தேவைப்பட்டது. 102 வயதான அவருக்கு அறுவை சிகிச்சை செய்வது என்பது சவாலான விசயமாகும். 

விவசாயியின் உடல் நிலைமையை அறிந்த மருத்துவர் கோகுலகிருஷ்ணன் இதய நோய் நிபுணரின் ஆலோசனைக்கு பின் அதிநவீன மருத்துவ உபகரணங்கள் கொண்டு இடுப்பு எலும்பு மூட்டு மாறு அறுவை சிகிச்சையை வெற்றிகரமாக செய்தார். மயக்கவியல் நிபுணர் டாக்டர் சாந்தி மற்றும் செவிலியர் குழு உடனிருந்து இந்த சிகிச்சைக்கு உதவியாக இருந்தனர்.

இதுகுறித்து மருத்துவர் கோகுலகிருஷ்ணன் கூறுகையில், ஆரோக்யமாக வாழ்வதே சிரமமாக இருக்கும் இந்த காலத்தில் 102 வயது முதியவர் நீண்ட நேர அறுவை சிகிச்சைக்கு உள்ளாகி தற்போது ஆரோக்யமாக உள்ளார் என்பதைவிட மறுநாளிலே நடந்தார் என்பது ஆச்சர்யமாக உள்ளது.  விவசாயி கந்தசாமி 102 வயதிலும் உடல் மற்றும் மன ஆரோக்யத்தை பேணி காத்ததுதான் எனது அறுவை சிகிச்சையின் வெற்றிக்கும் காரணம். சத்தான உணவை உட்கொண்டால் 100 வயதிற்க்கும் மேலும் கூட‌ வாழலாம் என்றார். 

தமிழகத்தில் இது போன்ற வயதானவர்களுக்கான அறுவை சிகிச்சை செய்யப்பட்டு முதியவர் தற்போது நடந்து வருகிறார் என்பது நவீன மருத்துவத்தின் அரிதான சாதனையாகும். தூத்துக்குடி கே.ஜி.நர்ஸிங் ஹோம் கடந்த 40 ஆண்டு காலமாக மருத்துவத்துறையில் சாதணையை நிகழ்த்தி வருகிறது. இந்த சாதனையை மருத்துவமனை நிர்வாகம் உலக சாதனைப் பட்டியலில் இடம்பெற விண்ணப்பிக்க திட்டமிட்டுள்ளனர்.