தூய்மைப் பணியாளர்கள் சிறப்பு வழிகாட்டுதல் முகாம் : ஆட்சியர் விஷு மகாஜன் துவக்கி வைத்தார்.

» செய்திகள் - விளையாட்டு » மாவட்ட செய்தி (தூத்துக்குடி)

தூய்மைப் பணியாளர்கள் சிறப்பு வழிகாட்டுதல் முகாம் : ஆட்சியர் விஷு மகாஜன் துவக்கி வைத்தார்.

புதன் 22, ஜூலை 2026 3:13:46 PM (IST)

தூத்துக்குடியில் தூய்மைப்பணியாளர்கள் அவர்களது குடும்ப உறுப்பினர்கள் அரசு சேவைகள் மற்றும் நலத்திட்டங்கள் பெறுவதற்கான வழிகாட்டுதல் முகாமினை மாவட்ட ஆட்சியர் விஷு மகாஜன் துவக்கி வைத்தார்.

தூத்துக்குடி மாநகராட்சி மாநாட்டு மையத்தில் தூய்மைப் பணியாளர்கள் மேம்பாட்டுத் திட்டத்தின் (SWDS) கீழ், தூய்மைப் பணியாளர்கள், குடும்ப உறுப்பினர்கள் அரசுச் சேவைகள், நலத்திட்டங்களைப் பெறுவதற்கான சிறப்பு வழிகாட்டுதல் முகாம் இன்று (22.07.2026) நடைபெற்றது.

தூத்துக்குடி மாநகராட்சி ஆணையாளர் சி. பிரியங்கா முன்னிலையில் மாவட்ட ஆட்சியர் விஷு மகாஜன் இம்முகாமினைத் தொடங்கி வைத்தார். நிகழ்ச்சியில் மாவட்ட ஆட்சியர் தெரிவித்ததாவது:"நகர்ப்புற உள்ளாட்சி அமைப்புகளில் பணியாற்றும் தூய்மைப் பணியாளர்களின் மேம்பாட்டுத் திட்டத்தின் கீழ், தூய்மைப் பணியாளர்கள், குடும்ப உறுப்பினர்களுக்குச் சிறப்பு நலச்சேவைகள் வழங்கப்படுகின்றன.

தமிழ்நாடு தூய்மைப் பணியாளர் நலவாரியத்தில் பதிவு செய்தல், சுகாதாரச் சேவைகள், வாழ்வியல் நலத்திட்டங்கள், சமூகப் பாதுகாப்பு, வாழ்வாதாரம், கல்வி, திறன் மேம்பாடு போன்ற சேவைகள் இம்முகாமில் வழங்கிட ஏற்பாடு செய்யப்பட்டுள்ளது.

அரசு மானியத்தில் அடையாள ஆவணங்களான ஆதார் பதிவு/திருத்தம், சாதிச் சான்றிதழ், குடும்ப அட்டை, வருமானச் சான்றிதழ், நிதி தொடர்பான சேவைகளைப் பெற ஒரு நாள் சிறப்பு முகாம் நடத்தப்படுகிறது. தூய்மைப் பணியாளர்கள், குடும்ப உறுப்பினர்கள் உரிய துறை அலுவலர்களை அணுகி இச் சேவைகளைப் பெற்றுப் பயன்பெற வேண்டும்" எனக் கேட்டுக்கொண்டார். இந்நிகழ்வில் பல துறை சார்ந்த அரசு அலுவலர்கள் கலந்து கொண்டனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: