தூத்துக்குடியில் நீட் தேர்வுக்கு எதிராக சாலை மறியல் : போக்குவரத்து பாதிப்பு

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடியில் நீட் தேர்வுக்கு எதிராக சாலை மறியல் : போக்குவரத்து பாதிப்பு - மாணவி உட்பட 16 பேர் கைது!

புதன் 22, ஜூலை 2026 8:33:21 PM (IST)

நீட் தேர்வு வினாத்தாள் கசிவு தொடர்பாக குற்றவாளிகளை கைது செய்யக் கோரியும், நீட் தேர்வை முற்றிலும் ரத்து செய்ய வலியுறுத்தியும் தூத்துக்குடி பழைய பேருந்து நிலையம் அருகே சாலை மறியலில் ஈடுபட்ட இந்திய ஜனநாயக வாலிபர் சங்கத்தினர் 16 பேரை போலீசார் கைது செய்தனர்.

டெல்லியில் நடைபெறும் நீட் எதிர்ப்பு தொடர் போராட்டங்களுக்கு ஆதரவு தெரிவிக்கும் வகையில், இந்திய ஜனநாயக வாலிபர் சங்கம் சார்பில் தமிழகம் முழுவதும் போராட்டங்கள் நடத்தப்பட்டு வருகின்றன. இதன் ஒரு பகுதியாக இன்று மாலை தூத்துக்குடி பழைய பேருந்து நிலையம் முன்பு இந்திய ஜனநாயக வாலிபர் சங்கம் சார்பில் ஆர்ப்பாட்டம் நடைபெற்றது. மாவட்டத் தலைவர் சாம் குமார் தலைமை தாங்கினார்.

ஆர்ப்பாட்டத்தில் பங்கேற்றவர்கள் திடீரென பேருந்து நிலையம் அருகே நடுரோட்டில் அமர்ந்து சாலை மறியலில் ஈடுபட்டனர். இதனால் அப்பகுதியில் போக்குவரத்து கடுமையாக பாதிக்கப்பட்டது.தகவலறிந்து சம்பவ இடத்திற்கு வந்த தூத்துக்குடி நகர காவல் துணை கண்காணிப்பாளர் சுனில், காவல் ஆய்வாளர்கள் பாஸ்கரன், திருமுருகன் தலைமையிலான போலீசார், மறியலை கைவிட்டு கலைந்து செல்லுமாறு அறிவுறுத்தினர்.

ஆனால் அவர்கள் போராட்டத்தை தொடர்ந்ததால், போலீசார் அவர்களை குண்டுகட்டாக தூக்கி காவல் வாகனத்தில் ஏற்றினர். இந்த போராட்டத்தில் ஈடுபட்ட ஒரு மாணவி உட்பட 16 பேர் கைது செய்யப்பட்டு, தனியார் திருமண மண்டபத்தில் தங்க வைக்கப்பட்டனர். இச்சம்பவத்தால் பழைய பேருந்து நிலைய பகுதியில் சிறிது நேரம் பரபரப்பு நிலவியது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: