டாஸ்மாக் அருகே சட்டவிரோத மது விற்பனை: வாலிபர் கைது!

சாயர்புரம் தேரிரோடு டாஸ்மாக் கடை அருகே சட்டவிரோத மது விற்பனையில் ஈடுபட்ட நபரைப் போலீசார் கைது செய்து, அவரிடமிருந்த 70 மது பாட்டில்களைப் பறிமுதல் செய்துள்ளனர்.

தூத்துக்குடி மாவட்டம் சாயர்புரம் தேரிரோடு டாஸ்மாக் கடைக்கு அருகே அரசு அனுமதியின்றி சட்டவிரோதமான முறையில் மது பாட்டில்கள் பதுக்கப்பட்டு, கூடுதல் விலைக்கு விற்பனை செய்யப்படுவதாகக் கிடைத்த ரகசியத் தகவலின் அடிப்படையில், சாயர்புரம் காவல் நிலைய ஆய்வாளர் மாரிமுத்து தலைமையில் போலீசார் அப்பகுதியில் தீவிரக் கண்காணிப்பு மற்றும் சோதனையில் ஈடுபட்டனர்.

அப்போது, அங்கு சந்தேகத்திற்கிடமான வகையில் சட்டவிரோத மது விற்பனைக்காகப் பாட்டில்களைப் பதுக்கி வைத்திருந்த ஒருவரைப் போலீசார் பிடித்தனர். விசாரணையில் அவர், சாயர்புரம் அருகே உள்ள கூடம்புளி, சாமிகோவில் தெருவைச் சேர்ந்த வேல்துரை மகன் பெருமாள் (35) என்பது தெரியவந்தது. இதனைத் தொடர்ந்து, போலீசார் பெருமாளைக் கைது செய்த போலீசார் அவரிடமிருந்து சட்டவிரோத விற்பனைக்காக வைக்கப்பட்டிருந்த 70 மது பாட்டில்களைக் பறிமுதல் செய்தனர்.