விஜய் முதல்வர்: தூத்துக்குடியில் தவெகவினர் பட்டாசு வெடித்து, இனிப்புகள் வழங்கி கொண்டாட்டம்!

» செய்திகள் - விளையாட்டு » மாவட்ட செய்தி (தூத்துக்குடி)

விஜய் முதல்வர்: தூத்துக்குடியில் தவெகவினர் பட்டாசு வெடித்து, இனிப்புகள் வழங்கி கொண்டாட்டம்!

ஞாயிறு 10, மே 2026 12:36:05 PM (IST)

தமிழகத்தின் 13-ஆவது முதலமைச்சராக ஜோசப் விஜய் இன்று பதவியேற்றதை வரவேற்று தூத்துக்குடியில் தவெக கட்சியினர் பட்டாசு வெடித்தும், இனிப்புகள் வழங்கியும் கொண்டாடினர்.

தூத்துக்குடி எஸ்.எஸ். மாணிக்கபுரத்தில் நடைபெற்ற இந்தக் கொண்டாட்ட நிகழ்விற்கு, தவெக வடக்குத் தொகுதி துணைச் செயலாளர் செல்வன் தலைமை தாங்கினார். இதில் ஏராளமான தொண்டர்கள் கலந்துகொண்டு, தங்கள் தலைவர் முதலமைச்சரானதை உற்சாக முழக்கங்களுடன் கொண்டாடினர்.

நிகழ்ச்சியின் போது செய்தியாளர்களிடம் பேசிய துணைச் செயலாளர் செல்வன்: "எங்கள் தலைவர் விஜய் சொன்ன திட்டங்களை நிச்சயம் நிறைவேற்றுவார். இந்த வரலாற்றுச் சிறப்புமிக்க தருணத்தில் தவெக-வுக்கு ஆதரவு அளித்த காங்கிரஸ் தலைவர் ராகுல் காந்தி, இடதுசாரி தலைவர்கள் மற்றும் விசிக தலைவர் திருமாவளவன் ஆகியோருக்கு எங்கள் கட்சி சார்பாக மனமார்ந்த நன்றிகளைத் தெரிவித்துக் கொள்கிறோம்," என்று கூறினார்.

இந்நிகழ்ச்சியில் வடக்குத் தொகுதி பொருளாளர் எஸ். காதர் மைதீன், இணைச் செயலாளர் ஜாக்சன் மற்றும் கழகத் தோழர்கள் பிரிட்டோ, சுரேஷ், மகாராஜா, வேலு, அஜிஸ் ஆகியோர் பங்கேற்றனர். மேலும், கூட்டணிக் கட்சியைச் சேர்ந்த முத்துக்குமார், சுடலை, கங்கா உள்ளிட்ட ஏராளமானோர் கலந்து கொண்டனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: