கட்டபொம்மன் விழாவை அரசு நடத்த கோரிக்கை!

» செய்திகள் - விளையாட்டு » மாவட்ட செய்தி (தூத்துக்குடி)

கட்டபொம்மன் விழாவை அரசு நடத்த கோரிக்கை!

புதன் 6, மே 2026 10:58:31 AM (IST)

பாஞ்சாலங்குறிச்சியில் ஆண்டுதோறும் வீரசக்கதேவி விழா சிறப்பாக நடைபெற்று வரும் நிலையில், கட்டபொம்மன் விழாவை அரசு விழாவாக கொண்டாட வேண்டும் என கோரிக்கை எழுந்துள்ளது.

இது குறித்து கட்டபொம்மன் குளோபல் பவுண்டேஷன் அமைப்பின் நிர்வாகிகள் வெளியிட்டுள்ள அறிக்கையில் கூறியிருப்பதாவது: எப்போதுமே அரசு விழாதான் பொதுமக்கள் விழாவாகக் கருதப்படுகிறது. வீரபாண்டிய கட்டபொம்மனுக்காக அரசுத் தரப்பில் கொண்டாடப்படும் விழாவே அவருக்குச் செய்யும் உண்மையான மரியாதையாகும்.

இந்த ஆண்டு மாவட்ட ஆட்சித் தலைவர் மற்றும் மாவட்ட காவல்துறை கண்காணிப்பாளர் தலைமையில் விழாவை நடத்திவிட்டு, அடுத்த ஆண்டு மாண்புமிகு தமிழ்நாடு முதலமைச்சர் விஜய் அவர்களை அழைத்து பிரம்மாண்டமாக விழா நடத்தலாம் என்பது எங்கள் அமைப்பின் கருத்தாகும்.

தென் மாவட்டங்களில் கட்டபொம்மன் பெயரில் பல அமைப்புகள் இருந்தாலும், அரசு விழாவை முன்னின்று நடத்தத் தவறுவது சமுதாயத்தின் மீதான பொறுப்பற்ற தன்மையைக் காட்டுகிறது. குறிப்பாக, 'கட்டபொம்மன் வாரிசுதாரர்கள் அறக்கட்டளை'க்கு இவ்விழாவை நடத்துவதில் முதல் முன்னுரிமை உள்ளது.

வேறு எந்த அமைப்பும் முன்வராத பட்சத்தில், 'கட்டபொம்மன் குளோபல் பவுண்டேஷன்' இவ்விழாவை முழு பொறுப்பேற்று நடத்தத் தயாராக உள்ளது. இதற்கான முழு செலவுகளையும் எங்கள் அமைப்பே ஏற்கும் என்று உறுதி கூறுகிறோம்.

மற்ற அமைப்புகள் முன்னின்று நடத்தினாலும், அவர்களுக்குத் தேவையான அனைத்து உதவிகளையும் செய்யவும், அவர்களைப் பாராட்டவும் நாங்கள் தயாராக உள்ளோம். ஒவ்வொரு ஆண்டும் பாஞ்சாலங்குறிச்சியில் அரசு விழா தங்குதடையின்றி சிறப்பாக நடைபெற வேண்டும் என்பதே எங்கள் அமைப்பின் ஒரே விருப்பம்.இவ்வாறு அறிக்கையில் தெரிவிக்கப்பட்டுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: