மூதாட்டியிடம் 2 பவுன் நகை பறித்த வாலிபர் கைது!

» செய்திகள் - விளையாட்டு » மாவட்ட செய்தி (தூத்துக்குடி)

மூதாட்டியிடம் 2 பவுன் நகை பறித்த வாலிபர் கைது!

ஞாயிறு 19, ஏப்ரல் 2026 9:15:37 AM (IST)

கோவில்பட்டியில் வீட்டில் தனியாக இருந்த மூதாட்டியிடம் தாலிச் சங்கிலியைப் பறித்துச் சென்ற வாலிபரை போலீசார் கைது செய்தனர்.

தூத்துக்குடி மாவட்டம் கோவில்பட்டி புதுகிராமம் எம்.ஜி.ஆர் நகரைச் சேர்ந்தவர் மாடசாமி. இவரது மனைவி பராசக்தி (81). கடந்த வியாழக்கிழமை இவர் தனது வீட்டில் தனியாக இருந்துள்ளார். அப்போது வீட்டிற்குள் அத்துமீறி நுழைந்த அடையாளம் தெரியாத இளைஞர் ஒருவர், பராசக்தியின் கழுத்தில் இருந்த தாலிச் சங்கிலியைப் பறிக்க முயன்றுள்ளார்.

சாமர்த்தியமாகச் செயல்பட்ட மூதாட்டி தனது சங்கிலியை இறுகப் பற்றிக் கொண்டார். இருப்பினும், அந்த இளைஞர் வலுக்கட்டாயமாக இழுத்ததில் சுமார் 2 பவுன் நகையுடன் தப்பி ஓடினார். மூதாட்டியின் அலறல் சத்தம் கேட்டு அக்கம் பக்கத்தினர் ஓடி வந்து அந்த இளைஞரைப் பிடிக்க முயன்றனர், ஆனால் அவர் அங்கிருந்து தப்பினார்.

இந்தச் சம்பவம் குறித்து கோவில்பட்டி கிழக்கு காவல் நிலையத்தில் புகார் அளிக்கப்பட்டது. புகாரின் அடிப்படையில் வழக்குப் பதிவு செய்த போலீசார், தனிப்படை அமைத்துத் தீவிர விசாரணை நடத்தினர். சிசிடிவி காட்சிகள் மற்றும் அப்பகுதி மக்களின் தகவல்களின் அடிப்படையில், நகை பறிப்பில் ஈடுபட்டவர் கோவை பாப்பநாயக்கன் பாளையத்தைச் சேர்ந்த பாண்டியன் மகன் ராஜபாண்டி (21) என்பது தெரியவந்தது.

இதனைத் தொடர்ந்து, தலைமறைவாக இருந்த ராஜபாண்டியை வெள்ளிக்கிழமை போலீசார் கைது செய்தனர். அவரிடமிருந்து பறிக்கப்பட்ட நகைகளை மீட்ட போலீசார், அவரை நீதிமன்றத்தில் ஆஜர்படுத்தி சிறையில் அடைத்தனர். முதியவர்கள் தனியாக இருக்கும் வீடுகளைக் குறிவைத்து இது போன்ற சம்பவங்கள் நடைபெறுவதால், பொதுமக்கள் விழிப்புணர்வுடன் இருக்க வேண்டும் எனப் போலீசார் அறிவுறுத்தியுள்ளனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: