தூத்துக்குடி மீன்வளக் கல்லூரியில் மகளிர் தின‌ விழா

தூத்துக்குடி மீன்வளக் கல்லூரி மற்றும் ஆராய்ச்சி நிலையத்தில் சர்வதேச மகளிர் தின‌ விழா கொண்டாடப்பட்டது. 

மகளிர் தின கொண்டாட்டத்தின் ஒரு பகுதியாக தமிழ் மற்றும் ஆங்கிலம் கட்டுரை எழுதுதல்‌, கவிதை எழுதுதல் மற்றும் தமிழ் விவாதப் போட்டி போன்ற பல்வேறு போட்டிகள் நடத்தப்பட்டன. விழாவில் மாணவர் சங்கத்தின் துணைத்தலைவர் (பொறுப்பு) வே. ராணி வரவேற்புரை வழங்கினார். அதை தொடர்ந்து, மூன்றாம் ஆண்டு மாணவி பு. சபி பிரிஷா மகளிர் தினச் சிறப்புக் கவிதை வாசித்தார். முதலாம் ஆண்டு மாணவி பெ. ஜெய ரஞ்சினி தமிழுரை ஆற்றினார்.

தூத்துக்குடி மாவட்ட தொழில் மையம் பொது மேலாளர் சுவர்ணலதா சிறப்பு விருந்தினராக கலந்து கொண்டு சிறப்புரை வழங்கினார். கல்லூரி முதல்வர் (பொறுப்பு) நீ. நீதிசெல்வன் விழாவினை தலைமை தாங்கி தலைமையுரை வழங்கினார். போட்டிகளில் வெற்றி பெற்ற மாணவர்களுக்கு பரிசுகள் வழங்கப்பட்டன‌. நிறைவாக மாணவர் சங்கத்தின் பொதுச் செயலாளர் செ.கு.மெய்வேந்தன் நன்றியுரை வழங்கினார்.