நாலுமாவடியில் ஆசீர்வாத உபவாச ஜெபம் : திரளானோர் பங்கேற்பு

» செய்திகள் - விளையாட்டு » மாவட்ட செய்தி (தூத்துக்குடி)

நாலுமாவடியில் ஆசீர்வாத உபவாச ஜெபம் : திரளானோர் பங்கேற்பு

சனி 8, மார்ச் 2025 8:02:31 PM (IST)

நாலுமாவடியில் நடந்த வியாபாரம் மற்றும் தொழில் செய்கிறவர்களுக்கான ஆசீர்வாத உபவாச ஜெபக்கூட்டத்தில் திரளானோர் பங்கேற்றனர்.

தூத்துக்குடி மாவட்டம் நாலுமாவடி இயேசு விடுவிக்கிறார் தேவனுடைய கூடாரத்தில் வியாபாரம் மற்றும் தொழில் செய்கிறவர்களுக்கான ஆசீர்வாத உபவாச ஜெபம் இன்று (சனிக்கிழமை) காலை 9 மணி முதல் மாலை 3 மணி வரை நடந்தது. இயேசு விடுவிக்கிறார் ஜெபக்குழுவினர் சிறப்பு பாடல்கள் பாடினர். இயேசு விடுவிக்கிறார் ஊழிய நிறுவனர் மோகன் சி. லாசரஸ் தேவ செய்தி அளித்து, வியாபாரம் மற்றும் தொழில் செய்கிறவர்களின் ஆசீர்வாதத்திற்காக விசேஷித்த ஜெபத்தை நடத்தினார்.

வியாபாரம் மற்றும் தொழில் அதிபர்களின் சாட்சிகள் இடம்பெற்றன. இதில் நெல்லை, தூத்துக்குடி, தென்காசி, கன்னியாகுமரி, மதுரை, கோவை, சென்னை மற்றும் பல்வேறு மாவட்டத்தில் உள்ள வியாபாரிகள், தொழிலதிபர்கள் என திரளானோர் கலந்து கொண்டனர். ஏற்பாடுகளை நாலுமாவடி இயேசு விடுவிக்கிறார் ஊழிய நிறுவன பொது மேலாளர் செல்வக்குமார் தலைமையில் ஜெபக்குழுவினர் செய்திருந்தனர். கூட்டம் முடிந்ததும் அனைத்து ஊர்களுக்கும் திரும்ப செல்வதற்கு அரசு சிறப்பு பேருந்துகள் இயக்கப்பட்டது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: