மத்திய அரசைக் கண்டித்து எஸ்டிபிஐ கட்சியினர் ஆர்ப்பாட்டம்

எஸ்டிபிஐ கட்சியின் தேசிய தலைவர் அமலாக்கத்துறையால் கைது செய்யப்பட்டுள்ளதைக் கண்டித்து தூத்துக்குடியில் கண்டன ஆர்ப்பாட்டம் நடைபெற்றது.

மத்திய பாஜக அரசின் அரசியல் பழிவாங்கும் நடவடிக்கையாக, பொய்யான குற்றச்சாட்டின் கீழ், அமலாக்கத்துறையால் எஸ்டிபிஐ கட்சியின் அகில இந்திய தலைவர் எம்.கே./பைஸி கைது செய்யப்பட்டுள்ளதை கண்டித்தும், அவரை விடுதலை செய்ய வலியுறுத்தியும் தூத்துக்குடி விவிடி சிக்னல் அருகே மாபெரும் கண்டன ஆர்ப்பாட்டம் நடைபெற்றது. 

ஆர்ப்பாட்டத்திற்கு மாவட்ட துணைத் தலைவர் மைதீன் கனி தலைமை வகித்தார். கண்டன ஆர்ப்பாட்டத்தில் மாவட்ட பொதுச் செயலாளர் அப்துல் காதர், மாவட்ட பொருளாளர் நவாஸ், மாநில மீனவர் அணி இணை ஒருங்கிணைப்பாளர் கௌது மைதீன் ஆகியோர் முன்னிலை வகித்தனர். மாவட்ட செயலாளர் முகமது உமர் வரவேற்புரையாற்றினார்.

விசாரணை ஏஜென்சிகளை தவறாகப் பயன்படுத்தி, ஜனநாயக சக்திகளை மிரட்டி ஒடுக்கும் பாஜக அரசின் அடக்குமுறைக்கு எதிராக நடைபெற்ற இந்த கண்டன ஆர்ப்பாட்டத்தில் SDPI கட்சியின் தூத்துக்குடி மாவட்டத் தலைவர் ஷேக் அஸ்ரப் அலி பைஜி, புரட்சி பாரதம் கட்சியின் தூத்துக்குடி மாவட்ட செயலாளர் மாரி செல்வம், தமிழக வாழ்வுரிமைக் கட்சியின் மாவட்ட செயலாளர் கிதர் பிஸ்மி, சமூக ஆர்வலர் கிருஷ்ணமூர்த்தி,MMMK மாவட்டத் தலைவர் சம்சுதீன், இஸ்லாமிய கூட்டமைப்பு ஒருங்கிணைப்பாளர் சம்சுதீன் உள்பட பல்வேறு ஜனநாயக சக்திகளின் தலைவர்கள் கலந்துகொண்டு கண்டன உரையாற்றினர்கள்.

இந்த கூட்டத்தில் தொகுதி,நகர,கிளைகளின் நிர்வாகிகள், செயல்வீரர்கள்,உறுப்பினர்கள், பொதுமக்கள் உட்பட நூற்றுக்கும் மேற்பட்டோர் கலந்துகொண்டு, எதிர் குரல்களை ஒடுக்கும் பாஜக அரசின் அரசியல் பழிவாங்கும் நடவடிக்கைக்கு எதிராகவும்,SDPI கட்சியின் அகில இந்திய தலைவர் எம்.கே./பைஸியை விடுதலை செய்ய வலியுறுத்தியும் முழக்கமிட்டனர். ஆர்ப்பாட்டத்தின் இறுதியாக தூத்துக்குடி தொகுதி தலைவர் ஷேக் முகைதீன் நன்றி உரையாற்றினார்.