தாதன்குளம் பள்ளிவாசலில் காசநோய் இல்லா தமிழ்நாடு 100 நாள் பிரச்சாரம்

» செய்திகள் - விளையாட்டு » மாவட்ட செய்தி (தூத்துக்குடி)

தாதன்குளம் பள்ளிவாசலில் காசநோய் இல்லா தமிழ்நாடு 100 நாள் பிரச்சாரம்

புதன் 5, மார்ச் 2025 3:53:06 PM (IST)

தாதன்குளம் முஹைதீன் ஆண்டவர் ஜும்மா பள்ளிவாசலில் காசநோய் விழிப்புணர்வு துண்டு பிரசுரங்கள் வழங்கும் நிகழ்ச்சி நடைபெற்றது.

தேசிய காசநோய் ஒழிப்புத் திட்டம் தூத்துக்குடி மாவட்டம், வல்லநாடு காசநோய் பிரிவு சார்பாக காசநோய் இல்லா தமிழ்நாடு 100 நாள் பிரச்சாரத்தின் ஒரு பகுதியாக கருங்குளம் அருகேயுள்ள தாதன்குளம் முஹைதீன் ஆண்டவர் ஜும்மா பள்ளிவாசலில் காசநோய் விழிப்புணர்வு துண்டு பிரசுரங்கள் வழங்கும் நிகழ்ச்சி இன்று நடைபெற்றது.

இந்நிகழ்ச்சியை பள்ளிவாசல் இமாம் முஹம்மது மீரான் துவக்கி வைத்தார். சமூக ஆர்வலர் அலியார் முன்னிலை வகித்தார். இந்நிகழ்ச்சியில் பல்நோக்கு மருத்துவமனை பலியாளர் ஆறுமுகம், சுகாதாரத் துறை பணியாளர்கள் மற்றும் பொதுமக்கள் உள்பட பலர் கலந்து கொண்டனர். ஏற்பாடுகளை முதுநிலை சிகிச்சை மேற்பார்வையாளர் அ.அப்துல் ரஹீம் ஹீரா செய்திருந்தார்.

காசநோய் இல்லா தமிழ்நாடு என்ற இலக்கை அடைவதற்காக சுகாதாரத் துறையின் சார்பாக காசநோய் ஒழிப்பு பிரச்சாரம் 07.12.2024 முதல் 100 நாட்கள் நடைபெற்று வருகிறது. காசநோய் குறித்த விழிப்புணர்வு ஏற்படுத்தவும், குறிப்பாக பொதுமக்களிடையே ஆரம்ப காலத்திலேயே, பாதிப்பை கண்டறிந்து உடனடி சிகிச்சை மேற்கொள்ளவும் விழிப்புணர்வு ஏற்படுத்தப்படுகிறது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: