ஆயிரம் ஆண்டுகள் பழமைவாய்ந்த பாபாப் மரங்கள் குறித்து ஆய்வு: தொல்லியல் ஆர்வலர் கோரிக்கை!

தூத்துக்குடி மாவட்டத்தில் காணப்படும் ஆயிரம் ஆண்டுகள் பழமைவாய்ந்த பாபாப் மரங்கள் குறித்து ஆய்வு நடத்த வேண்டும் என வரலாறு மற்றும் தொல்லியல் ஆர்வலர் ராஜேஷ் செல்வரதி வலியுறுத்தியுள்ளார்.

தூத்துக்குடி மாவட்டத்தில் காணப்படும் வரலாற்று முக்கியத்துவம் வாய்ந்த சுமார் 1000ம் ஆண்டுகள் வயதினை உடைய பப்பரபுளி, பெருமரம், கற்பக விருட்சம் என அழைக்கப்படும் 'பாபாப் மரங்கள் ' குறித்து ஆய்வு நடத்த வேண்டும் என தூத்துக்குடியைச் சேர்ந்த வரலாறு மற்றும் தொல்லியல் ஆர்வலர் ராஜேஷ் செல்வரதி வலியுறுத்தியுள்ளார்.

இது தொடர்பாக அவர் கூறுகையில், "அடன்சோனியா டிஜிடேட்டா எல். (மால்வேசியே) பொதுவாக ஆப்பிரிக்காவை பூர்வீகமாகக் கொண்ட பாபாப் மரம் என்று அழைக்கப்படுகிறது. இவை பல்நோக்கு பயன்பாடுகளைக் கொண்ட மிக நீண்ட காலம் வாழும் மரமாகும். சில மரங்கள் 1000 ஆண்டுகளுக்கு மேல் பழமையானவை என்று கூறப்படுகிறது. பழ வேறுபாட்டின் அடிப்படையில் ஆப்பிரிக்க பாபாப்பை விவரிக்கும் முந்தைய முயற்சிகள் இப்போது வரை ஏற்றுக்கொள்ளப்படவில்லை, ஏனெனில் அவை வேளாண்மை அல்லது உள்நாட்டு முறையில் வளர்க்கப்படவில்லை. 

அடன்சோனியா டிஜிடேட்டா (ஏ. டிஜிடேட்டா) பொதுவாக ஆப்பிரிக்க சவன்னாக்களின் முள் காடுகளில் காணப்படுகிறது, இது வருடத்திற்கு 4-10 வறண்ட மாதங்களுடன் குறைந்த உயரத்தில் இருக்கும். இது மண்ணின் வகையைப் பொறுத்து சிறிய குழுக்களாகக் காணப்பட்டாலும், தனித்தனியாக வளர முனைகிறது.

பாபாப் ஒரு பல்நோக்கு மரமாகும், இது பாதுகாப்பை வழங்குகிறது மற்றும் உணவு, உடை மற்றும் மருந்து மற்றும் பல பயனுள்ள பொருட்களுக்கான மூலப் பொருட்களையும் வழங்குகிறது. பழக் கூழ், விதைகள், இலைகள், பூக்கள், வேர்கள் மற்றும் பாபாபின் பட்டை ஆகியவை உண்ணக்கூடியவை, 

மேலும் அவை அவற்றின் பயனுள்ள பண்புகளுக்காக விஞ்ஞானிகளால் ஆய்வு செய்யப்பட்டுள்ளன. பழக் கூழில் மிக அதிக வைட்டமின் சி, கால்சியம், பாஸ்பரஸ், கார்போஹைட்ரேட், நார்ச்சத்து, பொட்டாசியம், புரதங்கள் மற்றும் லிப்பிட்கள் உள்ளன, அவை சுவையூட்டியாகவும் சாறுகளை தயாரிக்கவும் பயன்படுகிறது. 

விதைகளில் கணிசமான அளவு பாஸ்பரஸ், மெக்னீசியம், துத்தநாகம், சோடியம், இரும்பு, மாங்கனீசு உள்ளது, அதேசமயம் அதிக அளவு லைசின், தயாமின், கால்சியம் மற்றும் இரும்புச்சத்து உள்ளது. ஆண்டிமைக்ரோபியல், மலேரியா எதிர்ப்பு, வயிற்றுப்போக்கு, இரத்த சோகை, ஆஸ்துமா, ஆன்டிவைரல், ஆன்டி-ஆக்ஸிடன்ட் மற்றும் அழற்சி எதிர்ப்பு நடவடிக்கைகள் உள்ளிட்ட பல உயிரியல் பண்புகளை பாபாப் கொண்டுள்ளது.

பைட்டோ கெமிக்கல் விசாரணையில் ஃபிளாவனாய்டுகள், பைட்டோஸ்டெரால்கள், அமினோ அமிலங்கள், கொழுப்பு அமிலங்கள், வைட்டமின்கள் மற்றும் தாதுக்கள் இருப்பது தெரியவந்தது. டிஜிடேட்டா ஒரு பெரிய இலையுதிர் மரமாகும், இது 20-30 மீ உயரம் வரை, வயது முதிர்ந்த வயதில் 2-10 மீ விட்டம் கொண்டது. தண்டு பெரும்பாலும் பரந்த சுற்றளவு கொண்டது. பட்டை வழுவழுப்பானது, சிவப்பு கலந்த பழுப்பு முதல் சாம்பல் வரை, மென்மையானது மற்றும் நீளமான இழைகளைக் கொண்டுள்ளது. 

இளம் மரங்களின் இலைகள் பொதுவாக எளிமையானவை. முதிர்ந்த மரங்கள் ஒவ்வொரு பருவத்திலும் எளிய இலைகளை உற்பத்தி செய்வதன் மூலம் தொடங்குகின்றன, அதைத் தொடர்ந்து 2-3-இலைகள் இலைகள்; முதிர்ந்த இலைகள் (சுமார் 5 முதல் 9 துண்டு பிரசுரங்களுடன் 20 செ.மீ விட்டம்) பின்னர் தோன்றும். 

இவை வறண்ட பருவத்தின் முடிவில் அல்லது முதல் மழைக்கு சற்று முன் பூக்கும் பெரும்பாலும் முதல் இலைகள் தோன்றும் போது. மாலையில் பூக்கள் திறக்கப்பட்டு மறுநாள் விடியற்காலையில் விழும். மலர்கள் கந்தக வாசனையை வெளியிடுகின்றன, குறிப்பாக மகரந்தச் சேர்க்கை செய்யும் வவ்வால்களை ஈர்க்கின்றன என இந்த மரங்கள் தொடர்பான தனது புரிதல்களை பதிவு செய்தார்.

இதேபோன்று பல மரங்கள் நமது தென்னிந்திய கிழக்கு கடற்கரை பகுதியில் பரவலாக காணப்படுகிறது என்றும், அதேபோன்று இலங்கையில் மேற்கு மற்றும் வடமேற்கு பகுதியில்தான் பரவலாக காணப்படுகிறது என்றும், செயற்கைக்கோள் வரைபடம் வாயிலாக தன்னால் உணரமுடிகிறது என்றும்,

இந்த மரங்கள் குறிப்பாக நமது மறைந்த மற்றும் மறைக்கப்பட்ட ‘கீழ்பட்டினம்’ எனப்படும் வைப்பார் பகுதியின் நகர வணிக நாகரீகத்தின் எல்லைக்கு உட்பட்ட, தடம் மாறிய மலட்டாறு வழித்தடம் பகுதியில் தற்போதைய தூத்துக்குடி மாவட்டத்தில் பரவலாகக் காணப்படுகின்றன என்பது நமது ‘கீழ்பட்டினம்’ தொடர்பான ஆய்விற்கு மேலும் வலுசேர்க்கும் விதமாக அமைந்துள்ளது என்றார். 

ஐவர் ஆண்ட பகுதியில் காணப்படும் பப்பரபுளி மரங்கள் அமைவிடம்…..

சாமிநத்தம்(இராசான் கோவில்)- தூத்துக்குடி = 02

கீழதட்டப்பாறை - தூத்துக்குடி = 01

மேலூர் (S.A.V School)- தூத்துக்குடி= 01

மாவட்ட ஆட்சியர் மாளிகை - தூத்துக்குடி= 02

செட்டிமல்லன்பட்டி - தூத்துக்குடி= 01

குலசேகரபட்டினம்- தூத்துக்குடி = 01

ஏர்வாடி - இராமநாதபுரம் = 01

மேலபார்த்திபனூர்- இராமநாதபுரம் = 01

இராசபாளையம்(வீர வேங்கநல்லூர்)- விருதுநகர் =01

தூத்துக்குடி- சாமிநத்தம்: கிராமத்தில் வடக்கு பகுதியில் நீண்ட நெடுங்காலமாக அபூர்வமான 8 அங்குலம் குறுக்கு அளவில், 8 பட்டங்கள் கொண்ட சிவலிங்கத்தின் ஆவுடை ஒன்றும் மற்றும் தொன்மையான வேலைப்பாடு கொண்ட நந்தி ஒன்றும் காணப்படுகிறது. 

இந்த 8 அங்குலம் மற்றும் 8 பட்டங்கள் கொண்ட அமைப்பு என்பது நமது வைப்பார் நாகரீகத்தின் அனைத்து கிராமங்களிலும் காணப்படும் பெருமாள் கோவில் விளக்கு தூண்களின் அமைப்பினை நமக்கு உணர்த்துகிறது என்றும், இவ்வாறு ஒரே ஆலயத்தில் சிவன் மற்றும் பெருமாள் இருவரையும் பேதமின்றி ஒருங்கிணைந்த வழிபாடு என்பது ((BOTH CULT TOGETHER) என்ற கி.மு 5-7ம் நூற்றாண்டின் வழிபாடு முறையின் நீட்சிகள் என்றே உணரமுடிகிறது என்றும், இந்த பகுதியினை ஆய்வு மேற்கொண்டால் நிச்சயம் இந்த ஊர் மக்கள் செவிவழி கூற்றுப்படி சிவாலயம் புதையுண்டு உள்ளதை நாம் கண்டறியலாம் என்றும், 

மேலும் இந்த ‘சாமிநத்தம்’ கிராமத்தை சேர்ந்த ‘இராசான்கோவில்’ பகுதியில் காணப்படும் ‘குலசேகர பெருமாள் ஆலயத்தில்’ காணப்படும் சுமார் 50க்கும் மேற்பட்ட 13 மற்றும் 15ம் நூற்றாண்டின் கல்வெட்டுகள் கலவையினை முறையாக ஆவணப்படுத்தி கல்வெட்டியல் ஆய்வுகள் செய்திட இந்த பகுதியில் நடைபெற்ற இயற்கை பேரிடர்(இருண்ட காலம்) குறித்த பல உண்மைகளை வெளிகொணரலாம் என்றும் தனது ஆய்வு கருத்தை பதிவு செய்தார்.