தூத்துக்குடி விமான நிலையத்தில் ரூ.227.33 கோடி மதிப்பீட்டில் புதிய முனையம்: கனிமொழி எம்பி ஆய்வு

தூத்துக்குடி விமான நிலையத்தில்  ரூ.227.33 கோடி மதிப்பீட்டில் நடைபெற்று வரும் புதிய முனையம் கட்டுமானப் பணிகளை  கனிமொழி எம்பி ஆய்வு செய்தார். 

தூத்துக்குடி விமான நிலையத்தில் ரூ.227.33 கோடி மதிப்பீட்டில் நடைபெற்று வரும் புதிய முனையம் கட்டுமானப் பணிகளை  தூத்துக்குடி பாராளுமன்ற உறுப்பினர்  கனிமொழி கருணாநிதி, மாவட்ட ஆட்சியர் க.இளம்பகவத்,   தலைமையில் நேற்று நேரில் பார்வையிட்டு ஆய்வு செய்தார். பின்னர் வல்லநாட்டில் தூத்துக்குடி, ஓட்டப்பிடாரம், கயத்தார், கோவில்பட்டி, புதூர் மற்றும் விளாத்திகுளம் ஒன்றியங்களைச் சார்ந்த 363 குடியிருப்புகளுக்கான கூட்டு குடிநீர் திட்டத்தை  பார்வையிட்டு ஆய்வு மேற்கொண்டார். 

மேலும், தூத்துக்குடி மாநகராட்சிக்குட்ட சிப்காட் பகுதியில், புதிதாக கட்டபட்டுவரும் ESIC மருத்துவமனையின் கட்டுமானப் பணிகளை கனிமொழி எம்பி பார்வையிட்டு ஆய்வு செய்தார். ஆய்வின்போது ஒட்டப்பிடாரம் சட்டமன்ற உறுப்பினர் எம்.சி.சண்முகையா,  மேயர் பெ.ஜெகன், தூத்துக்குடி விமான நிலைய இயக்குநர் ராஜேஷ், மற்றும் அரசு அலுவலர்கள் உட்பட பலர் பலர் உடனிருந்தனர்.