» கல்வி / வேலை » கல்விச்செய்திகள் (தூத்துக்குடி)

நாசரேத் மர்காஷிஸ் பள்ளியில் புதுப்பிக்கப்பட்ட கூடைப்பந்து மைதானம் திறப்பு விழா

சனி 17, பிப்ரவரி 2024 9:31:33 PM (IST)



நாசரேத் மர்காஷிஸ் மேல்நிலைப்பள்ளியில் புதுப்பிக்கப்பட்ட கூடைப் பந்து மைதானம் திறப்பு விழா நடைபெற்றது. 

விழாவிற்கு தலைமையாசிரியர் கென்னடி வேதராஜ் தலைமை தாங்கினார். உடற்கல்வி இயக்குனர் பெலின் பாஸ்கர் முன்னிலை வகித்தார். இயற்பியல் ஆசிரியர் ஜெர்சோம் ஜெபராஜ் வரவேற்றார். தமிழ்நாடு கால்நடை மருத்துவ அறிவியல் பல்கலைக் கழகத்தின் முன்னாள் கூடைப்பந்து வீரரும், நாசரேத் கால்நடை மருத்துவமனையின் மருத்துவ அலுவலருமான டாக்டர் மதியழகன் கலந்து கொண்டு, புதுப்பிக்கப்பட்ட கூடைப்பந்து மைதானத்தை திறந்து வைத்தார்.

சர்வதேச தரத்தில் அமைக்கப்பட் டுள்ள கூடைப்பந்து மைதானம் புதிதாக வர்ணம் பூசப்பட்டு, எல்லை கோடுகள் வரையப்பட்டு, புதிய கூடைப்பந்து வலைகள் பொருத்தப்பட்டு, அனைத்து வகைகளிலும் புதுப்பிக்கப்பட்டு பயன்பாட்டுக்கு கொண்டு வரப்பட்டுள்ளது. மைதானம் திறப்பு விழாவை முன்னிட்டு, பள்ளி மாணவர்களுக்கான கூடைப்பந்து போட்டிகளும் நடைபெற்றன. மர்காஷிஸ் ஸ்டார்ஸ், மர்காஷிஸ் டைமண்ட்ஸ், மர்காஷிஸ் டுவிங்லர்ஸ், மர்காஷிஸ் கபடியன்ஸ் ஆகிய நான்கு அணியினர் சிறப்பாக விளையாடினர். 

வெற்றி பெற்ற அணி வீரர்களுக்கும், பங்குபெற்ற வீரர்களுக்கும் சிறப்பு பரிசுகளை தொழிலதிபர் ஜெபஸ் வழங்கினார். நிகழ்ச்சியில் முன்னாள் மாணவர்களும், விளையாட்டு வீரர்களும், பெற்றோர்களும் கலந்து கொண்டனர். உடற்கல்வி ஆசிரியர் தனபால் கூடைப்பந்து போட்டிகளின் நடுவராக பணியாற்றினார். அறிவியல் ஆசிரியர் ஜென்னிங்ஸ் காமராஜ் நன்றி கூறினார். ஓவியக்கலை ஆசிரியர் அலெக்சன் கிறிஸ்டோபர் மற்றும் நிர்வாகப் பிரிவு அறிவியல் ஆசிரியர் சங்கர் ஆகியோர் நிகழ்ச்சிகளை ஒருங்கிணைத்தனர். 


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்


Sponsored Ads





Thoothukudi Business Directory