தூத்துக்குடி கோட்டாட்சியர் பிரபு மாற்றம்: தமிழக அரசு உத்தரவு!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடி கோட்டாட்சியர் பிரபு மாற்றம்: தமிழக அரசு உத்தரவு!

திங்கள் 15, ஜூன் 2026 10:54:50 AM (IST)

தமிழகம் முழுவதும் துணை ஆட்சியர் அந்தஸ்தில் உள்ள 24 அதிகாரிகளை அதிரடியாக இடமாற்றம் செய்து தமிழக அரசு உத்தரவிட்டுள்ளது. இதன்படி தூத்துக்குடி வருவாய் கோட்டாட்சியர் பணியிட மாற்றம் செய்யப்பட்டுள்ளார்.

இது குறித்துத் தமிழக அரசுச் செயலாளர் பழனிச்சாமி வெளியிட்டுள்ள அதிகாரப்பூர்வ செய்திக் குறிப்பில் தெரிவிக்கப்பட்டிருப்பதாவது: தமிழக வருவாய்த்துறையில் நிர்வாக நலன் கருதி, துணை ஆட்சியர் நிலையில் பணிபுரிந்து வரும் 24 உயர் அதிகாரிகள் பணியிட மாற்றம் செய்யப்படுகிறார்கள்.

அதன்படி, தூத்துக்குடி வருவாய் கோட்டாட்சியராக இதுவரை பணிபுரிந்து வந்த பிரபு இடமாற்றம் செய்யப்பட்டுள்ளார். அவர், தமிழ்நாடு மாநில வாணிபக் கழகத்தின் (டாஸ்மாக்) மதுரை தெற்கு மாவட்ட சில்லறை விற்பனை மேலாளராக நியமிக்கப்பட்டு, புதிய பொறுப்பை ஏற்குமாறு உத்தரவிடப்பட்டுள்ளது.

தமிழகம் முழுவதும் ஒரே நேரத்தில் 24 துணை ஆட்சியர்கள் இடமாற்றம் செய்யப்பட்டிருப்பது வருவாய்த்துறை வட்டாரத்தில் பெரும் பரபரப்பை ஏற்படுத்தியுள்ளது. தூத்துக்குடியின் புதிய கோட்டாட்சியர் யார் என்பது குறித்த விபரம் விரைவில் வெளியாகும் என எதிர்பார்க்கப்படுகிறது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: