தூத்துக்குடி போலீஸ் வாகனங்களில் ஜி.பி.எஸ். கருவி பொருத்தம்: எஸ்.பி., மதன் ஆய்வு!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடி போலீஸ் வாகனங்களில் ஜி.பி.எஸ். கருவி பொருத்தம்: எஸ்.பி., மதன் ஆய்வு!

வெள்ளி 15, மே 2026 9:01:28 AM (IST)

தூத்துக்குடி மாவட்டக் காவல் துறையின் செயல்பாடுகளை அதிநவீனமாக்கவும், குற்றச் சம்பவங்களின் போது விரைந்து நடவடிக்கை எடுக்கவும் ஏதுவாக, முதற்கட்டமாக 80 காவல் வாகனங்களில் ஜி.பி.எஸ். கருவிகள் பொருத்தப்பட்டுள்ளன.

மாவட்டக் காவல் கண்காணிப்பாளர் டாக்டர் சி. மதன் உத்தரவின் பேரில், இந்த நவீனக் கருவிகள் பொருத்தும் பணி நிறைவடைந்தது. இதனைத் தொடர்ந்து, நேற்று (மே 14) ஆயுதப்படை மைதானத்தில் ஜி.பி.எஸ். பொருத்தப்பட்ட வாகனங்களை எஸ்பி நேரில் ஆய்வு செய்து, அவற்றின் ரோந்துப் பணியைத் தொடங்கி வைத்தார். இந்த நிகழ்வின் போது ஆயுதப்படை காவல் ஆய்வாளர் பிரபு உடனிருந்தார்.

முதல் கட்டமாக மாவட்டத்திலுள்ள முக்கியப் பிரிவுகளின் கீழ் வரும் 80 நான்கு சக்கர வாகனங்களில் இக்கருவி பொருத்தப்பட்டுள்ளது. இந்த ஜி.பி.எஸ். கருவிகள் மூலம் அனைத்து வாகனங்களையும் மாவட்டக் காவல் அலுவலகத்தில் உள்ள கட்டுப்பாட்டு அறையில் இருந்து நேரலையாகக் கண்காணிக்க முடியும்.

இதன் மூலம் ஏதேனும் ஒரு பகுதியில் குற்றச் சம்பவம் அல்லது விபத்து நடந்தால், கட்டுப்பாட்டு அறையிலிருந்து அந்த இடத்திற்கு மிக அருகில் இருக்கும் ரோந்து வாகனத்தைச் சில நிமிடங்களில் சம்பவ இடத்திற்கு அனுப்பி வைக்க முடியும். வாகனங்கள் முறையாக ஒதுக்கப்பட்ட பகுதிகளில் ரோந்து செல்கின்றனவா என்பதையும், அவற்றின் நகர்வுகளையும் துல்லியமாக அறிய முடியும்.

இந்தத் தொழில்நுட்பம் மூலம் பொதுமக்களின் பாதுகாப்பு உறுதி செய்யப்படுவதோடு, அவசரக் காலங்களில் காவல்துறையின் உதவி கிடைப்பதற்கான நேரம் வெகுவாகக் குறையும். டிஜிட்டல் தொழில்நுட்பத்தைப் பயன்படுத்தி தூத்துக்குடி மாவட்டக் காவல் துறையைப் பலப்படுத்தும் இந்த முயற்சி பொதுமக்கள் மத்தியில் பெரும் வரவேற்பைப் பெற்றுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: