» செய்திகள் - விளையாட்டு » மாவட்ட செய்தி (தூத்துக்குடி)
திருச்செந்தூரில் தவெக தலைவர் விஜய் தரிசனம் : ஆயிரக்கணக்கான ரசிகர்கள் திரண்டனர்!
செவ்வாய் 28, ஏப்ரல் 2026 8:14:27 AM (IST)

தமிழக வெற்றிக் கழகத்தின் தலைவரும் பிரபல நடிகருமான விஜய், இன்று காலை திருச்செந்தூர் அருள்மிகு சுப்பிரமணிய சுவாமி திருக்கோவிலில் சாமி தரிசனம் செய்தார்.
நேற்று இரவு சென்னையில் இருந்து தனி விமானம் மூலம் மதுரை சென்றடைந்த விஜய், அங்கிருந்து இன்று அதிகாலை சாலை மார்க்கமாகப் புறப்பட்டு திருச்செந்தூர் வந்தடைந்தார். அவருக்குத் தமிழக வெற்றிக் கழகத் தொண்டர்கள் மற்றும் ரசிகர்கள் வழிநெடுகிலும் உற்சாகமான வரவேற்பு அளித்தனர்.
பட்டு வேட்டி மற்றும் சட்டையுடன் பாரம்பரிய உடையில் வந்திருந்த விஜய், மூலவர் சுப்பிரமணிய சுவாமியை மனமுருகி தரிசனம் செய்தார். கோவில் நிர்வாகம் சார்பில் அவருக்குப் பூரண கும்ப மரியாதை அளிக்கப்பட்டது. மேலும், அவருக்கு 'வெற்றி வேல்' வழங்கி கௌரவிக்கப்பட்டது. கோவிலில் தரிசனம் முடிந்த பின், கடற்கரைக்கும் சென்று அவர் வழிபாடு செய்தார்.
விஜய் வருகை குறித்த தகவல் அதிகாலையிலேயே பரவியதால், ஆயிரக்கணக்கான ரசிகர்கள் மற்றும் பொதுமக்கள் கோவில் வளாகத்தில் திரண்டனர். அவரைக் காண மக்கள் முண்டியடித்ததால் அப்பகுதியில் பெரும் நெரிசல் ஏற்பட்டது. 2026 சட்டமன்றத் தேர்தலின் வாக்கு எண்ணிக்கை மே 4-ஆம் தேதி நடைபெற உள்ள நிலையில், இவரது இந்த வருகை முக்கியத்துவம் வாய்ந்ததாகக் கருதப்படுகிறது.
கூட்டத்தை ஒழுங்குபடுத்தவும், எவ்வித அசம்பாவிதமும் நடைபெறாமல் இருக்கவும் திருச்செந்தூர் முழுவதும் பலத்த போலீஸ் பாதுகாப்பு போடப்பட்டுள்ளது. வாக்கு எண்ணிக்கைக்குச் சில நாட்களே உள்ள நிலையில், விஜய்யின் இந்தத் திருச்செந்தூர் தரிசனம் தமிழக அரசியல் களத்தில் பெரும் பரபரப்பை ஏற்படுத்தியுள்ளது.
மக்கள் கருத்து
மேலும் தொடரும் செய்திகள்

பெண்களைத் தொழில்முனைவோராக்கும் திட்டம் : தூத்துக்குடியில் 5 நாள் சிறப்புப் பயிற்சி முகாம்!
செவ்வாய் 28, ஏப்ரல் 2026 12:48:35 PM (IST)

தூத்துக்குடி அருகே உப்பாற்று ஓடையில் முதியவர் சடலம் மீட்பு: போலீசார் விசாரணை
செவ்வாய் 28, ஏப்ரல் 2026 11:33:01 AM (IST)

தூத்துக்குடியில் வாலிபரை கத்தியைக் காட்டி மிரட்டி செல்போன் பறிப்பு - போலீஸ் விசாரணை!
செவ்வாய் 28, ஏப்ரல் 2026 10:38:11 AM (IST)

தூத்துக்குடியில் மே 3-ஆம் தேதி 5 மையங்களில் நீட் தேர்வு: 1,968 பேர் எழுதுகின்றனர்!
செவ்வாய் 28, ஏப்ரல் 2026 8:41:01 AM (IST)

ஆதிநாதர் ஆழ்வார் கோவில் சித்திரை தேரோட்டம்: திரளான பக்தர்கள் வடம் பிடித்தனர்!
செவ்வாய் 28, ஏப்ரல் 2026 8:34:44 AM (IST)

தூத்துக்குடியில் உப்பு உற்பத்தி தீவிரம்: டன் ரூ.1,300-ஆக விலை குறைந்தது!
செவ்வாய் 28, ஏப்ரல் 2026 8:28:45 AM (IST)








