தூத்துக்குடி - தாம்பரம் இடையே கோடைக்கால சிறப்பு ரயில்கள்: ஏப். 20 முதல் இயக்கம்!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடி - தாம்பரம் இடையே கோடைக்கால சிறப்பு ரயில்கள்: ஏப். 20 முதல் இயக்கம்!

வெள்ளி 17, ஏப்ரல் 2026 8:11:58 PM (IST)

கோடைக்காலப் பயணிகள் கூட்ட நெரிசலைத் தவிர்க்கும் பொருட்டு, தூத்துக்குடி மற்றும் சென்னை தாம்பரம் இடையே இரண்டு வாரங்களுக்குச் சிறப்பு ரயில்கள் இயக்கப்பட உள்ளன. இதற்கான கால அட்டவணையை ரயில்வே நிர்வாகம் வெளியிட்டுள்ளது.

ரயில் இயக்கப்படும் நாட்கள்:

தூத்துக்குடி - தாம்பரம் (வண்டி எண்: 06018): ஏப்ரல் 20 மற்றும் ஏப்ரல் 27 (திங்கட்கிழமைகளில்) தூத்துக்குடியிலிருந்து புறப்படும்.

தாம்பரம் - தூத்துக்குடி (வண்டி எண்: 06017): ஏப்ரல் 21 மற்றும் ஏப்ரல் 28 (செவ்வாய்க்கிழமைகளில்) தாம்பரத்திலிருந்து புறப்படும்.

வண்டி எண் 06018: தூத்துக்குடியில் இருந்து திங்கள் இரவு 11.30 மணிக்குப் புறப்பட்டு, மறுநாள் (செவ்வாய்) மதியம் 12.30 மணிக்குத் தாம்பரம் சென்றடையும்.

வண்டி எண் 06017: தாம்பரத்தில் இருந்து செவ்வாய் மதியம் 03.30 மணிக்குப் புறப்பட்டு, மறுநாள் (புதன்) அதிகாலை 04.30 மணிக்குத் தூத்துக்குடி வந்தடையும்.

முக்கிய நிறுத்தங்கள்: இந்தச் சிறப்பு ரயில்கள் தூத்துக்குடி மேலூர், கோவில்பட்டி, சாத்தூர், விருதுநகர், மதுரை, கொடைக்கானல் ரோடு, திண்டுக்கல், திருச்சிராப்பள்ளி, தஞ்சாவூர், பாபநாசம், கும்பகோணம், மயிலாடுதுறை, சீர்காழி, சிதம்பரம், திருப்பாதிரிப்புலியூர், பண்ருட்டி, விழுப்புரம், மேல்மருவத்தூர், செங்கல்பட்டு நின்று செல்லும்.

இந்த ரயில்களில் 17 எல்.எச்.பி பெட்டிகள் இணைக்கப்பட்டுள்ளன. கோடை விடுமுறை மற்றும் திருமண விசேஷங்கள் காரணமாகப் பயணிகள் கூட்டம் அதிகமாக இருப்பதால், இந்தச் சிறப்பு ரயில்கள் பொதுமக்களுக்கு மிகவும் பயனுள்ளதாக இருக்கும் என எதிர்பார்க்கப்படுகிறது. இச்சிறப்பு ரயில்களை இயக்கிய தெற்கு ரயில்வே நிர்வாகத்திற்கு தூத்துக்குடி மாவட்ட பயணிகள் நலச் சங்கத்தின் சார்பாக நன்றி தெரிவிக்கப்பட்டுள்ளது.

மக்கள் கருத்து

தூத்துக்குடிக்காரன்Apr 18, 2026 - 04:32:58 PM | Posted IP 172.7*****

மிக்க நன்றி. அதேசமயம் தூத்துக்குடி-மதுரை-தூத்துக்குடி தினசரி நேரடி ரயில் சேவைகள் தேவை. காலை நேரத்தில் தூத்துக்குடியிலுருந்து மதுரைக்கும் மற்றும் மாலை நேரத்தில் மதுரையிலிருந்து தூத்துக்குடிக்கும் இயக்கினால் தூத்துக்குடி மற்றும் அதன் சுற்றுவட்டாரப்பகுதி மக்கள் மிகவும் பயனடைவர்.

ஹென்றிApr 18, 2026 - 10:49:32 AM | Posted IP 162.1*****

இந்த சிறப்பு ரயிலை மேட்டுப்பாளையம் செல்லாத தினங்களில் சென்னைக்கு விடலாம்

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: