ஓட்டப்பிடாரம் தொகுதியில் திமுக செயல்வீரர்கள் கூட்டம்: வேட்பாளருக்கு ஆதரவாக எம்.எல்.ஏ., பிரச்சாரம்!

» செய்திகள் - விளையாட்டு » மாவட்ட செய்தி (தூத்துக்குடி)

ஓட்டப்பிடாரம் தொகுதியில் திமுக செயல்வீரர்கள் கூட்டம்: வேட்பாளருக்கு ஆதரவாக எம்.எல்.ஏ., பிரச்சாரம்!

வெள்ளி 10, ஏப்ரல் 2026 10:25:31 AM (IST)

ஓட்டப்பிடாரம் சட்டமன்றத் தொகுதிக்குட்பட்ட ஓட்டப்பிடாரம் மேற்கு ஒன்றிய திமுக செயல்வீரர்கள் கூட்டம் நடைபெற்றது.

திமுக இளைஞரணி மாநில துணைச் செயலாளரும், தொகுதி பொறுப்பாளருமான அப்துல் மாலிக் தலைமையில் நடைபெற்ற இந்தக் கூட்டத்திற்கு, ஓட்டப்பிடாரம் சட்டமன்ற உறுப்பினர் எம்.சி. சண்முகையா முன்னிலை வகித்தார்.

இக்கூட்டத்தில், திமுக வேட்பாளர் ராமஜெயம், திமுக முக்கிய நிர்வாகிகள் மற்றும் கூட்டணி கட்சிகளின் நிர்வாகிகள் என ஏராளமானோர் கலந்து கொண்டனர். திமுக வேட்பாளர் ராமஜெயத்தின் வெற்றியை உறுதி செய்ய, தொகுதி மக்களின் நன்மதிப்பைப் பெற்ற எம்.சி. சண்முகையா எம்.எல்.ஏ தற்போது தீவிரமாகப் பிரச்சாரக் களத்தில் இறங்கியுள்ளார்.

தொகுதியின் "வெற்றி முகமாக" அறியப்படும் அவர் முன்னிலையில் நடைபெற்ற இந்தச் செயல்வீரர்கள் கூட்டம், உடன்பிறப்புகள் மத்தியில் பெரும் உற்சாகத்தை ஏற்படுத்தியுள்ளது. சண்முகையா எம்.எல்.ஏ-வின் இந்த நேரடிப் பங்களிப்பு எதிர்க்கட்சி வேட்பாளர்கள் மத்தியில் பீதியை ஏற்படுத்தியுள்ளதாக அரசியல் வட்டாரங்கள் தெரிவிக்கின்றன.

தேர்தல் நாள் நெருங்க நெருங்க, ஓட்டப்பிடாரம் தொகுதியில் வேட்பாளர் ராமஜெயத்திற்கு ஆதரவு அலை பெருகி வருகிறது. ஓட்டப்பிடாரம் தொகுதியில் தொடர்ந்து மூன்றாவது முறையாக வெற்றி பெற்று, திமுக தனது ஹாட்ரிக் வெற்றியைப் பதிவு செய்வது உறுதி என்று கட்சியினர் நம்பிக்கை தெரிவித்துள்ளனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: