தப்பியோடிய போக்சோ வழக்கு கைதி மீண்டும் பிடிபட்டார்: தூத்துக்குடியில் பரபரப்பு!

» செய்திகள் - விளையாட்டு » மாவட்ட செய்தி (தூத்துக்குடி)

தப்பியோடிய போக்சோ வழக்கு கைதி மீண்டும் பிடிபட்டார்: தூத்துக்குடியில் பரபரப்பு!

வெள்ளி 10, ஏப்ரல் 2026 8:00:50 AM (IST)

தூத்துக்குடியில் போக்சோ வழக்கில் கைது செய்யப்பட்டு, போலீஸ் பிடியில் இருந்து தப்பியோடிய வாலிபரை போலீசார் விரட்டிப் பிடித்தனர்.

தூத்துக்குடி பிரையன்ட் நகர் பகுதியைச் சேர்ந்தவர் வசந்தகுமார். இவர் சிறுமி ஒருவருக்குப் பாலியல் தொந்தரவு கொடுத்ததாகப் புகார் எழுந்தது. இது குறித்து கடந்த 6-ஆம் தேதி தூத்துக்குடி அனைத்து மகளிர் காவல் நிலைய போலீசார் போக்சோ சட்டத்தின் கீழ் வழக்குப் பதிவு செய்து வசந்தகுமாரைத் தேடி வந்தனர்.

தலைமறைவாக இருந்த வசந்தகுமாரை நேற்று (வியாழக்கிழமை) போலீசார் கைது செய்தனர். பின்னர், அவரை நீதிமன்றத்தில் ஆஜர்படுத்துவதற்கு முன்னதாக மருத்துவப் பரிசோதனைக்காகத் தூத்துக்குடி அரசு மருத்துவமனைக்கு அழைத்துச் சென்றனர்.

அப்போது, எதிர்பாராத விதமாகப் போலீசாரின் பிடியில் இருந்து வசந்தகுமார் தப்பியோடினார். இதனால் அதிர்ச்சியடைந்த போலீசார், அவரைப் பின் தொடர்ந்து விரட்டிச் சென்றனர். சிறிது நேரப் போராட்டத்திற்குப் பிறகு வசந்தகுமாரை போலீசார் மடக்கிப் பிடித்தனர். இச்சம்பவம் மருத்துவமனை வளாகத்தில் சிறிது நேரம் பரபரப்பை ஏற்படுத்தியது. தற்போது அவர் பலத்த பாதுகாப்புடன் சிறையில் அடைக்கப்பட்டார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: