சமையல் எரிவாயு தட்டுப்பாட்டைக் கண்டித்து குரும்பூரில் திமுக கூட்டணி கட்சிகள் ஆர்ப்பாட்டம்!

சமையல் எரிவாயு  தட்டுப்பாட்டைச் சீர்செய்ய நடவடிக்கை எடுக்காத மத்திய அரசைக் கண்டித்து, குரும்பூர் பஜாரில் திமுக மற்றும் கூட்டணிக் கட்சிகள் சார்பில் கண்டன ஆர்ப்பாட்டம் நடைபெற்றது.

ஆர்ப்பாட்டத்திற்கு ஆழ்வை., மத்திய ஒன்றிய செயலாளர் நவீன்குமார் தலைமை வகித்தார். கிழக்கு ஒன்றிய செயலாளர் சதிஷ்குமார் முன்னிலை வகித்தார். ஒன்றிய பொருளாளர் பாதாளமுத்து வரவேற்றார். ஆர்ப்பாட்டத்தில் காஸ் தட்டுப்பாட்டுக்கு நடவடிக்கை எடுக்காத மத்திய அரசை கண்டித்து கோஷங்கள் எழுப்பப்பட்டது.

இதில் மாவட்ட விளையாட்டு அணி துணை அமைப்பாளர் பாக்கியராஜ், ஒன்றிய அமைப்பாளர் சோலை நட்டார், ஆத்தூர் டவுன் பஞ்., தலைவர் கமால்தீன், மாவட்ட மகளிரணி அமைப்பாளர் சாரதா பொன் இசக்கி, துணை அமைப்பாளர் லின்ஸி, நகர செயலாளர்கள் ஆத்தூர் முருகானந்தம், தென்திருப்பேரை முத்துவீரபெருமாள், நாசரேத் ஜமீன் சாலமோன், ஆழ்வை கோபிநாத், தேமுதிக தலைமை செயற்குழு உறுப்பினர் பொன்ராஜ், விசிக ஒன்றிய செயலாளர்கள் மணிகண்டன், சங்கர் உட்பட பலர் கலந்து கொண்டனர்.