» செய்திகள் - விளையாட்டு » மாவட்ட செய்தி (தூத்துக்குடி)
விளாத்திகுளம் அருகே மாபெரும் மாட்டுவண்டி பந்தயம்
புதன் 10, செப்டம்பர் 2025 5:33:30 PM (IST)

விளாத்திகுளம் அருகே துலுக்கன்குளம் கிராமத்தில் கோவில் கும்பாபிஷேகத்தை முன்னிட்டு மாபெரும் மாட்டுவண்டி பந்தயம் நடைபெற்றது.
தூத்துக்குடி மாவட்டம் விளாத்திகுளம் அருகே உள்ள துலுக்கன்குளம் கிராமத்தில் அருள்மிகு ஸ்ரீ சந்திமரிச்சியம்மன் திருக்கோவில் கும்பாபிஷேக விழாவை முன்னிட்டு ஆதி தமிழ்குடி சாம்பவர் குல வேளாளர் சமுதாயம் சார்பாக நடத்தும் 5-ம் ஆண்டு மாபெரும் மாட்டுவண்டி எல்கை பந்தயம் பூஞ்சிட்டு, தேன்சிட்டு என இரு பிரிவுகளாக நடைபெற்றது.
போட்டியில் தேனி கம்பம், மதுரை, விருதுநகர், ராமநாதபுரம், திருநெல்வேலி, தூத்துக்குடி உள்ளிட்ட தமிழகத்தின் பல்வேறு இருந்து 58 ஜோடி மாடுகள் போட்டியில் கலந்து கொண்டு சீறிப்பாய்ந்தன. விளாத்திகுளம் - வேம்பார் சாலையில் பூஞ்சிட்டு பந்தயத்திற்கு போக வர 5 மைல் தூரமும், தேன்சிட்டு பந்தயத்திற்கு போக வர 4 மைல் தூரம் என நிர்ணயிக்கப்பட்டு போட்டி நடைபெற்றது.
மாட்டு வண்டி எல்கை பந்தயங்களை, விளாத்திகுளம் எம்எல்ஏ மார்கண்டேயன், திமுக மாநில பொதுக்குழு உறுப்பினர் ராஜாக்கண்ணு, அதிமுக முன்னாள் ஒன்றிய குழு பெருந்தலைவர் முனியசக்தி ராமச்சந்திரன், விடுதலை சிறுத்தை கட்சி இளஞ்சிறுத்தை எழுச்சி பாசறை ஆ.சடையாண்டி ஆகியோர் கொடிஅசைத்து துவக்கி வைத்தனர். வெற்றி பெற்ற மாட்டின் உரிமையாளர்கள் மற்றும் ஓட்டி வந்த சாரதிகளுக்கு விழா கமிட்டியின் சார்பாக குத்துவிளக்கு, சுழல் கோப்பை ரொக்கப்பணம் பரிசாக வழங்கி கௌரவிக்கப்பட்டது.
மக்கள் கருத்து
மேலும் தொடரும் செய்திகள்

தமிழ்நாடு அரசுத்துறை ஊர்தி ஓட்டுநர் சங்க புதிய நிர்வாகிகள் ஆட்சியருடன் சந்திப்பு!
சனி 20, டிசம்பர் 2025 10:21:11 AM (IST)

கழுகுமலை அருகே 2 கிலோ கஞ்சா பறிமுதல்: 4பேர் கைது
சனி 20, டிசம்பர் 2025 8:25:38 AM (IST)

தெய்வச்செயல்புரம் கோவிலில் அனுமன் ஜெயந்தி விழா
சனி 20, டிசம்பர் 2025 8:23:30 AM (IST)

ஓட்டப்பிடாரம் அருகே கார் மோதி பெண் உயிரிழப்பு
சனி 20, டிசம்பர் 2025 8:19:26 AM (IST)

திருப்பரங்குன்றத்தில் தீபம் ஏற்றாத விவகாரம்: தற்கொலை செய்த முருக பக்தருக்கு அஞ்சலி
வெள்ளி 19, டிசம்பர் 2025 9:18:22 PM (IST)

நாலுமாவடியில் ஏழைகளுக்கு கிறிஸ்துமஸ் புத்தாடைகள் : சகோதரர் மோகன் சி.லாசரஸ் வழங்கினார்
வெள்ளி 19, டிசம்பர் 2025 8:19:40 PM (IST)










