தனியார் பேருந்து நடத்துனர்கள் மீது நடவடிக்கை: சமூக ஆர்வலர்கள் கோரிக்கை

» செய்திகள் - விளையாட்டு » மாவட்ட செய்தி (தூத்துக்குடி)

தனியார் பேருந்து நடத்துனர்கள் மீது நடவடிக்கை: சமூக ஆர்வலர்கள் கோரிக்கை

செவ்வாய் 9, செப்டம்பர் 2025 10:32:34 AM (IST)

பயணிகளிடம் தகாத வார்த்தைகளை பயன்படுத்தி வரும் தனியார் பேருந்து நடத்துனர்கள் மீது நடவடிக்கை எடுக்க வேண்டும் சமூக ஆர்வலர்கள் கோரிக்கை விடுத்துள்னர்.

தூத்துக்குடி புதிய பேருந்து நிலையத்தில் இருந்து கோவில்பட்டி செல்லக்கூடிய சில தனியார் பேருந்துகளில் எப்போது வென்றான், குறுக்குச் சாலை, சோழா புரம், புதூர் பாண்டியாபுரம் போன்ற ஊர்களுக்கு செல்லக்கூடிய பயணிகள் (பொதுமக்கள்) பஸ் புறப்படும் நேரத்தில் தான் ஏற வேண்டும் என்றும்,

புதிய பேருந்து நிலையத்தில் பேருந்து நிற்கும்போது எப்போது வென்றான், குறுக்குச் சாலை, சோழா புரம், புதூர் பாண்டியாபுரம் இந்த ஊர்களுக்கு செல்லக்கூடிய பயணிகள் முன்கூட்டியே ஏறி பேருந்தில் அமர்ந்து இருந்தால் அவர்களை வலுக்கட்டாயமாக கீழ இறங்கச் சொல்லியும், இல்லையெனில் தகாத வார்த்தைகளை பேருந்து நடத்துனர் பயன்படுத்துவதாகவும் புகார் எழுந்துள்ளது.

வயதானவர்கள், நிறைமாத கர்ப்பிணி பெண்கள், குழந்தைகள் என எவரையும் பொருட்படுத்தாது கோவில்பட்டி செல்லக்கூடிய பயணிகள் மட்டும் முன்கூட்டியே பேருந்தில் ஏறி அமர்ந்து செல்ல வேண்டும். இடையில் பிற ஊர்களுக்கு செல்லக்கூடிய பயணிகள் பேருந்து புறப்படும் நேரத்தில் மட்டுமே ஏற வேண்டும் என்று நடத்துனர் கூறவதாகவும்,

அப்படி தெரியாமல் ஏறிய பயணிகளை வலுக்கட்டாயமாக கீழ இறங்கச் சொல்வதும், ஏன் என்று கேட்டால் அப்படிதான் இந்த பேருந்தில் பயணம் செய் இல்லையென்றால் வேறு பேருந்தில் காத்திருந்து வா, என்று ஒரு ரவுடி போல் பேசுவதாகவும் புகார் எழுந்துள்ளது.

இதுபோன்ற நடத்துனர்கள் மீதும், இவர்களை கண்டு கொள்ளாத தனியார் பேருந்து நிறுவனத்தின் மீது மாவட்ட ஆட்சியர் நடவடிக்கை எடுக்க வேண்டும் என்று பொதுமக்கள் மற்றும் சமூக ஆர்வலர்கள் கோரிக்கை விடுத்துள்ளனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: