நடத்தை விதிகள் மீறியதாக எஸ்.ஐ., பெண் போலீஸ் சஸ்பெண்ட்!

» செய்திகள் - விளையாட்டு » மாவட்ட செய்தி (தூத்துக்குடி)

நடத்தை விதிகள் மீறியதாக எஸ்.ஐ., பெண் போலீஸ் சஸ்பெண்ட்!

ஞாயிறு 7, செப்டம்பர் 2025 9:52:12 AM (IST)

கோவில்பட்டியில் நடத்தை விதிகள் மீறியதாக போக்குவரத்து காவல் உதவி ஆய்வாளர் மற்றும் பெண் காவலர் ஆகிய இருவர் சஸ்பெண்ட் செய்யப்பட்டனர்.

துாத்துக்குடி மாவட்டம், கோவில்பட்டி போக்குவரத்து காவல் பிரிவில் உதவி ஆய்வாளராக பணியாற்றி வந்த செல்வகுமார் (36). மற்றும் பெண், காவலராக பணியாற்றி வந்த இந்திராகாந்தி (32) ஆகியோர் ஆக.17ல் நடுரோட்டில் சண்டையிட்டனர். இதனால், எஸ்.ஐ., செல்வகுமார் திருச்செந்துாருக்கும், காவலர் இந்திராகாந்தி புளியம்பட்டி காவல் நிலையத்திற்கும் இடமாற்றம் செய்யப்பட்டனர்.

இதற்கிடையே, இந்திரா காந்தியை செல்போனில் தொடர்பு கொண்டு, செல்வகுமார் மிரட்டியதாக கூறப்படுகிறது. இதையடுத்து, கோவில்பட்டி கிழக்கு காவல் நிலையத்தில் இந்திராகாந்தி புகார் அளித்தார்.இதையடுத்து, எஸ்.ஐ., செல்வகுமாரை சஸ்பெண்ட் செய்து, திருநெல்வேலி சரக டி.ஐ.ஜி., சந்தோஷ் ஹாசி மணி நேற்று உத்தரவிட்டார். இதேபோல, நடத்தை விதிகளை மீறி செயல்பட்டதாக கூறி, பெண் காவலர் இந்திரா காந்தியையும் சஸ்பெண்ட் செய்து மாவட்ட எஸ்.பி., ஆல்பர்ட் ஜான் உத்தரவிட்டார்.

மக்கள் கருத்து

SivaSriSep 7, 2025 - 02:17:09 PM | Posted IP 172.7*****

டி.ஐ.ஜி ஐயா நல்லதொரு முடிவு எடுத்துள்ளார்கள்.இதே போல் இந்த துறையில் பணிசெய்து போதை பொருட்கள் விற்பனை செய்யும் நபர்களுக்கு பணம் வாங்கி உடந்தையாக உதவி செய்கின்றனர் . அவர்கள் கரர்தானா பங்களாதானா இப்படி இருந்தால் உடனடியாக கண்டு பிடித்து இவர்களுக்கு தண்டனை கொடுக்க வேண்டும்.எவ்வளவு இளையோர் வாழ்க்கை சிதறடிக்கும் படுகிறார்கள்.விரைவில் இதையும் கண்டு பிடிப்பார்கள் நம்பிக்கை அது தான் வாழ்க்கை.இளையோர் பாதுகாக்கப்பட வேண்டும்.நன்றி டூட்டி ஆன்லைன்.

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: