வீடு புகுந்து கத்தியால் வெட்டி கொள்ளையடித்த வழக்கில் 21 ஆண்டுகளுக்கு பின் தீர்ப்பு!

திருச்செந்தூர் அருகே வீடு புகுந்து பேராசிரியரை கத்தியால் வெட்டி கொள்ளை அடித்த வழக்கில் 7 ஆண்டு சிறை தண்டனை விதித்து 21 ஆண்டுகளுக்கு பின் தீர்ப்பு அளிக்கப்பட்டுள்ளது. 

தூத்துக்குடி மாவட்டம் திருச்செந்தூர் அருகே உள்ள குமாரபுரத்தில் கடந்த 2004 ஆம் ஆண்டு கல்லூரி உதவி பேராசிரியர் வீடு புகுந்து கத்தியால் வெட்டி, பணம் நகையை கொள்ளையடித்துச் சென்ற வழக்கில் 21 ஆண்டு கழித்து சங்கரன் (எ) சங்கரேஸ்வரனுக்கு 7 ஆண்டு சிறை தண்டனை,10 ஆயிரம் அபராதம் விதித்து திருச்செந்தூர் சார்பு நீதிமன்ற நீதிபதி சங்கர பாண்டி தீர்ப்பளித்தார். 21 ஆண்டு கழித்து தண்டனை வழங்கப்பட்டது பரபரப்பை ஏற்படுத்தி உள்ளது.