பட்டினமருதூரில் விருஷிணி வழிபாட்டு ஆலயம்: ஆய்வு நடத்த தொல்லியல் ஆர்வலர் கோரிக்கை

"தூத்துக்குடி மாவட்டம் பட்டினமருதூரில் மண்ணில் புதையுண்ட விருஷிணி வழிபாட்டு ஆலயம் குறித்து ஆய்வு நடத்த வேண்டும்" என வரலாறு மற்றும் தொல்லியல் ஆர்வலர் பெ.ராஜேஷ் செல்வரதி கோரிக்கை விடுத்துள்ளார்.

இது தொடர்பாக அவர் வெளியிட்ட அறிக்கையில், "வட இந்தியாவில் விருஷ்ணி வீர வழிபாட்டு முறை தமிழ் நாடு அல்லது தென்னிந்தியாவை விட சற்று நன்கு அறியப்பட்டதாகும் என்றும், பண்டைய இந்தியாவில், விருஷ்ணி தனிப்பட்ட தெய்வங்களாக (வீரர்கள்) அல்லது குழுக்களாக (முக்கோணங்கள், டெட்ராட்கள்- நான்கு பிரிவு அல்லது பெண்டாட்கள்- ஐந்து பிரிவு) வழிபடப்பட்டனர் என்றும், பெண்டாட்களைப் பொறுத்தவரை - மோரா கல்வெட்டு விருஷ்ணியின் ஐந்து பெரிய ஹீரோக்கள் - சம்கர்சனன், வாசுதேவா, பிரத்யும்னன், சாம்பா மற்றும் அநிருத்தன் என அடையாளம் காணப்பட்ட விருஷ்ணினம் பஞ்சவீரனைப் பற்றி முக்கியமாகக் குறிப்பிடுகிறது என்றும், வாயு புராணம், மத்பாகவத புராணம், மகாபாரதம் நூல்கள் இந்த விருஷ்ணி விபரங்களைப் பற்றி குறிப்பிடுகிறது.

முன்னதாக, லூடர்கள், அவர்களை ஜைன நூல்களில் பலதேவா, அக்ரூரர், அனதர்ஷ்டி, சரண மற்றும் விதுரதர் என்று குறிப்பிடப்பட்ட "ஐந்து பெரிய ஹீரோக்கள்" என்று அடையாளம் கண்டுள்ளனர். லூடர்களால் அடையாளம் காணப்பட்ட ஐந்து விருஷ்ணி ஹீரோக்களின் பெயர்களை சரியாக நிராகரிக்க முடியாது, ஏனெனில் அவர்கள் வரலாற்றின் சில காட்சிகளைக் காட்டுகிறார்கள். ஆனால், வாசுதேவ-கிருஷ்ணரின் நெருங்கிய குடும்ப உறுப்பினர்களாக இந்தக் கதாபாத்திரங்களின் பிரபலம் குறிப்பிடுவதால், பானர்ஜியின் அடையாளம் மிகவும் சரியானதாகத் தெரிகிறது என்றும், வைஷ்ணவத்தின் பஞ்ச-வீர கருத்து மற்ற பிரிவுகளில் இணையாக இருந்தது - ஷைவத்தின் பஞ்ச-பிரம்மாக்கள், பௌத்தத்தின் பஞ்ச-புத்தர்கள், ஜைனத்தின் பஞ்ச-தீர்த்தங்கரர்கள் மற்றும் மிக முக்கியமாக யக்சிசத்தின் பஞ்ச-வீரர்கள் என்றார்.

விருஷ்ணி தொடர்பான சான்றுகள் கிடைத்த முக்கிய இடங்களாவன: திக்லா, பெஸ்நகர், மல்ஹர், கோசுண்டி, நானாகாட், நியூவல் மற்றும் வ்ரஜா பகுதி (மதுரா, சாமுண்ட திலா, பிருந்தாவனம், சுன்ராக், மோரா, பைரவை மற்றும் அக்ரூர் வினாஸ்தியின் நாயகன்). மதுராவைச் சுற்றியுள்ள பகுதிகள் என்றும், வட இந்தியாவில் இத்தகைய விருஷிணி வழிபாடு தொடர்பான புராதன ஆலயங்கள் ஏதும் தென்படவில்லை. ஆனால் நமது தென்னிந்திய பகுதிகளான ஆந்திர மாநிலம் குண்டூர் (கொண்ட மோட்டு), திருவல்லிக்கேணி பார்த்தசாரதி ஆலயம், கும்பகோணம்- நாச்சியார் ஆலயம், விருதுநகர்- திருத்தங்கல் ‘நின்ற நாராயணன்’ ஆலயம் ஆகியவற்றில் மிக தொன்மையான இத்தகைய வழிபாட்டின் சான்றுகள் என தெய்வ திருமேனிகள் காணப்படுகின்றன என்பது வியப்பின் உச்சம்.

ஹீலியோடோரஸ் தூண்: இருந்த இடத்தைச் சுற்றி பெஸ்நகரில் விரிஷ்ணி ஹீரோக்களுடன் தொடர்புடைய பொ.ஊ.மு115 தேதியிட்ட பல தூண்கள் கண்டுபிடிக்கப்பட்டுள்ளன. வாசுதேவரைக் கௌரவிப்பதற்காக எழுப்பப்பட்ட தூண் கருட-வஜ்ரா என்று ஹீலியோடோரஸ் தூண் கல்வெட்டு விளக்குகிறது என்றார்.

 

குறிப்பாக தூத்துக்குடி மாவட்டம்-ஓட்டப்பிடாரம் தாலுகாவில் - மேலமருதூர் கிராமம், மேலஅரசடி கிராமம், காயலூரணி கோவில்களில் பழங்கால வகை மணல் கற்களால் ஆன விளக்குத் தூண்கள் உள்ளன என்றும், முப்புலிவெட்டி கிராமத்தில் உள்ள கோவிலானது மிகவும் பழமையான வகையிலான சீரற்ற வடிவ விளக்குத் தூணைக் கொண்டுள்ளது - பாறை ஓவியம் முறையில் முற்கால மனிதர்களால் செதுக்கிச் செய்யப்பட்ட அனுமன், கருடன், சங்கு மற்றும் சுதர்சன சக்கரம் ஆகியவற்றின் சிற்பம் உள்ளது என்றும்,

 

தூத்துக்குடி மாவட்டம் பட்டினமருதூரில் சர்வே எண் 40ல் மண்ணில் புதையுண்டு உள்ள மணல் கலவையால் செய்யப்பட்ட தொன்மையான 215-190மி.மீ (சுமார் 8 அங்குலம்) தடிமன் கொண்ட தூண்.மேல்புறம் காணப்படும் ஒரு வித சாவி காடி போன்ற அமைப்பு மற்றும் மண்ணில் தோண்டும் போது சிதைக்கப்பட்டு வெளிவந்த பெருமாள், வள்ளி, சுப்பிரமணியர், சிவகாமி, நந்தி, மச்சமுனி போன்ற சில தெய்வ திருமேனிகள் ஆகியவை இப்பகுதியில் மிகப்பெரிய கடற்கரை வளாக ஆலயங்கள் இருந்து மண்ணில் மறைந்து உள்ளது என்பதை நமக்கு உணர்த்துகின்றன என்றார். 

இந்த பகுதியில் முழுமையாக அகழாய்வு செய்தால் தங்களை விருஷிணி குல மன்னர்கள் என வேள்விக்குடி செப்பேடுகள் (பொ.ஊ 770) மூலம் பாண்டியர்கள் தெரிவிக்கும் வரலாற்று உண்மைக்கு சான்றாக இந்த தூண் வாசுதேவ-கிருஷ்ணரின் நினைவிற்கு ஹிலியோடோரஸ் என்ற கிரேக்க தூதர் மத்திய பிரதேசம் பெஸ் நகரில் பொ.ஊ.மு115ல் நிறுவிய தூணை விட மிக தொன்மையானதாக அமையலாம் என்றும், 

மேலும் இந்த செப்பேட்டில் குறிப்பிட்டுள்ள பாண்டியரான கோச்சடையான் யுத்தம் செய்து வெற்றி கொண்ட மருதூர் என்பதற்கு சான்றாக இந்த பட்டினம் மருதூர் மற்றும் மேல மருதூர் ஆகிய ஊர்களின் பெயர்கள் அமைகின்றன என்றும், குறிப்பாக நமது தென்மதுரை மற்றும் மதுரா என்பது தற்போதைய வைப்பார் நாகரிகத்தின் பகுதியில் மறைந்த மற்றும் மறைக்கப்பட்ட கீழ் பட்டினம் (தருவைக்குளம் - பட்டினம் மருதூர் கடற்கரை பகுதி) வணிக நகர நாகரிகம் தான் என்பதும், வர்த்தக நடவடிக்கைகள் மற்றும் மக்கள் தெற்கிலிருந்து வடக்கே மக்கள் நடமாட்டம் ஆகியவை இந்த வழிபாட்டு முறை வடக்கே அடைவதற்கு காரணமாக இருக்கலாம் என்பதும் உலகுணர புலனாகும் என்பதில் மாற்றுக் கருத்து இல்லை என்றார்.