குடும்ப பிரச்சினையில் சகோதரருக்கு அரிவாள் வெட்டு

சாத்தான்குளத்தில் குடும்ப பிரச்சினையில் சகோதரரை அரிவாளால் வெட்டிய வாலிபரை போலீசார் தேடி வருகின்றனர். 

தூத்துக்குடி மாவட்டம், சாத்தான்குளம் ஆர்.சி., வடக்கு தெருவைச் சேர்ந்த அய்யாகுட்டி மகன் ராதாகிருஷ்ணன். இவரது உடன் பிறந்த சகோதரர் சித்திரவேல் என்பவர் குடும்ப பிரச்சனை காரணமாக அரிவாளால் தலையின் பின் பகுதி மற்றும் தலையின் இடது பக்கம் வெட்டி உள்ளார். இதில் பலத்த காயமடைந்த ராதாகிருஷ்ணன் சாத்தான்குளம் அரசு மருத்துவமனையில் சிகிச்சை பெற்று வருகிறார். இது தொடர்பாக புகாரின் பேரில் சத்தான்குளம் போலீசார் விசாரணை செய்து வருகின்றனர்.