சரக்கு ரயிலில் தீவிபத்து: தூத்துக்குடியில் பரபரப்பு!

» செய்திகள் - விளையாட்டு » மாவட்ட செய்தி (தூத்துக்குடி)

சரக்கு ரயிலில் தீவிபத்து: தூத்துக்குடியில் பரபரப்பு!

சனி 22, ஆகஸ்ட் 2026 8:04:37 PM (IST)

தூத்துக்குடி மீளவிட்டான் ரயில் நிலையத்திலிருந்து ராஜஸ்தான் மாநிலத்திற்கு நிலக்கரி ஏற்றிச் சென்ற சரக்கு ரயிலில் திடீரெனத் தீப்பிடித்துப் புகை வந்ததால் அப்பகுதியில் பரபரப்பு ஏற்பட்டது.

தூத்துக்குடி மீளவிட்டான் ரயில் நிலையத்திலிருந்து ராஜஸ்தான் மாநிலம் பான்பட் ரயில் நிலையத்திற்கு 25 பெட்டிகளில் நிலக்கரி ஏற்றிக்கொண்டு இன்று அதிகாலை 03:25 மணிக்குச் சரக்கு ரயில் புறப்பட்டுச் சென்றது. ரயில் தட்டாப்பாறை ரயில் நிலையத்தைக் கடந்து சென்றபோது, என்ஜினில் இருந்து 2-வது பெட்டியில் அடர்ந்த புகை வருவதை அங்குள்ள ரயில்வே கேட் கீப்பர் கவனித்தார்.

அவர் உடனடியாக வாஞ்சி மணியாச்சி ரயில் நிலைய அதிகாரிகளுக்குத் தகவல் தெரிவிக்க, அதிகாரிகள் ஓட்டுநருக்குச் செய்தி அனுப்பி ரயிலை மணியாச்சி ரயில்வே கேட் அருகே பாதுகாப்பாக நிறுத்தினர். தகவலறிந்து விரைந்து வந்த ஓட்டப்பிடாரம் தீயணைப்புப் படையினர், ரயில்வே கேட் வழியாக உள்ளே சென்று புகை வந்த நிலக்கரிப் பெட்டியின் மீது ஏறித் தண்ணீரைப் பீச்சியடித்தனர்.

சுமார் அரை மணி நேரம் போராடித் தீயை முற்றிலுமாகக் கட்டுப்படுத்தினர். பின்னர் அதிகாரிகள் அப்பெட்டியைச் சோதனை செய்ததைத் தொடர்ந்து ரயில் ராஜஸ்தானுக்குப் புறப்பட்டுச் சென்றது. அப்பகுதியில் இரட்டை ரயில் பாதை இருந்ததால், தூத்துக்குடிக்கு வந்து கொண்டிருந்த முத்துநகர் எக்ஸ்பிரஸ் ரயில் வழக்கம் போல் எவ்விதத் தடங்கலுமின்றி இயங்கியது.

தீயணைப்புப் பணிகளுக்காக வாஞ்சி மணியாச்சி ரயில்வே கேட் சுமார் ஒரு மணி நேரம் பூட்டப்பட்டிருந்ததால், மணியாச்சியிலிருந்து ஒட்டநத்தம் செல்லும் சாலையில் வாகனப் போக்குவரத்து பாதிக்கப்பட்டது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

சரக்கு ரயிலில் தீவிபத்து: தூத்துக்குடியில் பரபரப்பு!

» செய்திகள் - விளையாட்டு » மாவட்ட செய்தி (தூத்துக்குடி)