தூத்துக்குடியில் ஆன்லைன் லாட்டரி விற்பனை: வாலிபர் கைது; செல்போன் பறிமுதல்!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடியில் ஆன்லைன் லாட்டரி விற்பனை: வாலிபர் கைது; செல்போன் பறிமுதல்!

திங்கள் 8, ஜூன் 2026 11:07:04 AM (IST)

தூத்துக்குடியில் தமிழக அரசால் தடை செய்யப்பட்ட லாட்டரி சீட்டுகளை ஆன்லைன் மூலமாக சட்டவிரோதமாக விற்பனை செய்து வந்த வாலிபரைத் போலீசார் கைது செய்துள்ளனர்.

தூத்துக்குடி தாளமுத்துநகர் அருகே உள்ள கிரேஸ் நகர் பகுதியைச் சேர்ந்தவர் பரமசிவன் மகன் ராம்குமார் (36). இவர் தமிழக அரசால் சட்டம் மூலம் தடை செய்யப்பட்டுள்ள வெளிமாநில மற்றும் ஆன்லைன் லாட்டரி சீட்டுகளை இணையதளம் மூலமாகப் பலருக்கும் ரகசியமாக விற்பனை செய்து வருவதாகக் காவல்துறையினருக்கு ரகசிய தகவல் கிடைத்துள்ளது.

அதன் அடிப்படையில், தாளமுத்துநகர் காவல் நிலைய காவல்துறையினர் சம்பவ இடத்திற்குச் சென்று தீவிர விசாரணை மற்றும் திடீர் சோதனை நடத்தினர். விசாரணையில், ராம்குமார் தனது செல்போன் மூலமாக ஆன்லைன் லாட்டரி விற்பனையில் ஈடுபட்டு வந்தது உறுதி செய்யப்பட்டது. இதையடுத்து, சட்டவிரோத லாட்டரி விற்பனையில் ஈடுபட்ட ராம்குமாரைத் தாளமுத்துநகர் காவல்துறையினர் வழக்குப் பதிவு செய்து கைது செய்தனர்.

மேலும், ஆன்லைன் லாட்டரி வியாபாரத்திற்கு அவர் சட்டவிரோதமாகப் பயன்படுத்தி வந்த செல்போனையும் அவரிடமிருந்து பறிமுதல் செய்துள்ளனர். இச்சம்பவம் குறித்துத் தாளமுத்துநகர் காவல்துறையினர் மேலும் தீவிர விசாரணை நடத்தி வருகின்றனர். தூத்துக்குடி மாநகரப் பகுதியில் ஆன்லைன் லாட்டரி விற்பனை செய்த வாலிபர் கைது செய்யப்பட்டுள்ள இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: