ஹோட்டல்கள் குறித்து அவதூறு பரப்புவோர் மீது உரிய நடவடிக்கை : எஸ்பி அபிஷேக் குப்தா உறுதி

» செய்திகள் - விளையாட்டு » மாவட்ட செய்தி (தூத்துக்குடி)

ஹோட்டல்கள் குறித்து அவதூறு பரப்புவோர் மீது உரிய நடவடிக்கை : எஸ்பி அபிஷேக் குப்தா உறுதி

வெள்ளி 22, மே 2026 8:42:33 PM (IST)

தூத்துக்குடி நகர வர்த்தகர்களின் மத்திய சங்கம் மற்றும் தமிழ்நாடு வணிகர் சங்கங்களின் பேரவை நிர்வாகிகள், தூத்துக்குடி மாவட்ட காவல் கண்காணிப்பாளர் அபிஷேக் குப்தாவை நேரில் சந்தித்து வணிகர்களின் பாதுகாப்பு மற்றும் சமூக வலைதள அவதூறுகள் குறித்து முக்கியக் கோரிக்கை மனு அளித்துள்ளனர்.

தூத்துக்குடி நகர வர்த்தகர்களின் மத்திய சங்கத் தலைவர் ஜவஹர் தலைமையில், தமிழ்நாடு வணிகர் சங்கங்களின் பேரவையின் தூத்துக்குடி மாவட்டத் தலைவர் தெர்மல் சொ. ராஜா, மாவட்டப் பொருளாளர் நவமணி தங்கராஜ் மற்றும் மத்திய சங்கப் பொருளாளர் விக்னேஷ் ஆகியோர் அடங்கிய வர்த்தகர் குழுவினர், தூத்துக்குடி மாவட்டக் காவல் கண்காணிப்பாளரை மரியாதை நிமித்தமாக நேரில் சந்தித்தனர்.

இந்தச் சந்திப்பின் போது, தூத்துக்குடி மாவட்ட வர்த்தகர்கள் எவ்வித அச்சமும், பிரச்சினைகளும் இல்லாமல் சுதந்திரமாகத் தங்களது வணிக உள்கட்டமைப்பை மேற்கொள்வதற்குக் காவல் துறை உரிய வழிவகைகளையும், பாதுகாப்பையும் செய்து தர வேண்டும் என வர்த்தக சங்கம் சார்பில் கோரிக்கை வைக்கப்பட்டது.

அதற்குப் பிரதிபலனாக, தூத்துக்குடி மாவட்ட வணிகர்கள் அனைவரும் மாவட்டத்தின் சட்டம்-ஒழுங்கைப் பாதுகாக்கும் பொருட்டு, காவல் துறைக்கு எப்போதும் தங்களது முழுமையான ஒத்துழைப்பை உத்தியோகப்பூர்வமாக வழங்குவோம் என்றும் வர்த்தகப் பிரதிநிதிகள் உறுதியளித்தனர்.

மேலும், கடந்த சில நாட்களாகச் சமூக வலைதளங்களில் தூத்துக்குடி நகர உணவகங்களை இலக்காகக் கொண்டு, அவற்றின் நற்பெயரைக் கெடுக்கும் நோக்கில் சில சமூக விரோதிகள் திட்டமிட்டுத் தொடர்ந்து பல்வேறு அவதூறுப் பரப்புரைகளை மேற்கொண்டு வருகின்றனர். இதனால் உணவக வணிகம் பெரிதும் பாதிக்கப்படுவதைச் சுட்டிக்காட்டிய நிர்வாகிகள், இத்தகைய சமூக விரோதிகளைக் கண்டறிந்து உடனடியாகக் கட்டுப்படுத்த வேண்டும் என கோரிக்கை விடுத்தனர்.

வர்த்தகர்களின் இந்தக் கோரிக்கைகளை உன்னிப்பாகக் கேட்டறிந்த மாவட்டக் காவல் கண்காணிப்பாளர், வணிகர்களின் பாதுகாப்பை உறுதி செய்யவும், உணவகங்கள் குறித்துச் சமூக வலைதளங்களில் அவதூறு பரப்புவோர் மீது உத்தியோகப்பூர்வமாகச் சட்ட ரீதியான கடுமையான ஆவணச் செயல்களை மேற்கொள்வதாகவும் திட்டவட்டமாக உறுதி அளித்துள்ளார் என மத்திய சங்கத் தலைவர் ஜவஹர் தெரிவித்துள்ளார்.

மக்கள் கருத்து

Srinathà®®à¯‡ 22, 2026 - 09:39:14 PM | Posted IP 162.1*****

பல மணிநேரம் காத்திருந்த பத்திரிக்கையாளர்கள், ஊடகவியலாளர்கள்,டுபாக்கூர் பத்திரிக்கையாளர்கள், ரவுடி லிஸ்டில் உள்ள பலே பத்திரிக்கையாளர்கள், திருட்டு வழக்கில் தொடர்புடைய பத்திரிக்கையாளர்கள், கொலை முயற்சி மற்றும் சரக்கு, மதுபாணங்கள் கடத்திய வழக்கில் தொடர்புடைய சிறப்புபத்திரிக்கையாளர்கள் என 100க்கும் மேற்பட்டவர்கள் நெடு நேரம் காத்திருக்கும் நிலையில் ஊரை ஏமாற்றும் திருடர்களுடன் கைகோர்த்த புதிய எஸ்பி அபிஷேக் ஐயா அவர்களின் திருட்டுபுத்தியை இந்த படம் மூலம் நாம் அறிய முடிகிறது. அன்னாரின் திருட்டு கூட்டணி பணி சிறக்க வாழ்த்துக்கள்

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: