திருச்செந்தூர் கோவிலில் எடப்பாடி பழனிசாமி குடும்பத்தினர் சிறப்பு வழிபாடு!

» செய்திகள் - விளையாட்டு » மாவட்ட செய்தி (தூத்துக்குடி)

திருச்செந்தூர் கோவிலில் எடப்பாடி பழனிசாமி குடும்பத்தினர் சிறப்பு வழிபாடு!

வியாழன் 30, ஏப்ரல் 2026 4:26:03 PM (IST)

திருச்செந்தூர் கோவிலில் எடப்பாடி பழனிசாமியின் மனைவி மற்றும் குடும்பத்தினர் சுவாமி தரிசனம் செய்தனர்.

தமிழகச் சட்டமன்றத் தேர்தல் முடிவடைந்து, முடிவுகளுக்காக அரசியல் கட்சிகள் ஆவலுடன் காத்திருக்கும் நிலையில், பிரதான கட்சிகளின் தலைவர்கள் மற்றும் அவர்களது குடும்பத்தினர் தங்களது கட்சி வெற்றி பெற வேண்டி ஆன்மீக வழிபாடுகளில் தீவிரம் காட்டி வருகின்றனர்.

கடந்த இரண்டு நாட்களுக்கு முன்பு, தமிழக வெற்றிக் கழகத் தலைவர் விஜய் திருச்செந்தூர் சுப்பிரமணிய சுவாமி கோவிலில் தரிசனம் செய்தார். அவரைத் தொடர்ந்து அமைச்சர்கள் பி.கே. சேகர்பாபு மற்றும் அனிதா ராதாகிருஷ்ணன் ஆகியோரும் சாமி தரிசனம் செய்தனர்.

இந்த வரிசையில், இன்று காலை முன்னாள் முதலமைச்சரும் அ.தி.மு.க. பொதுச்செயலாளருமான எடப்பாடி பழனிசாமியின் மனைவி மற்றும் குடும்பத்தினர் திருச்செந்தூர் சுப்பிரமணிய சுவாமி கோவிலுக்கு வருகை தந்தனர். இவர்களுடன் முன்னாள் அமைச்சர் உடுமலை ராதாகிருஷ்ணன் மற்றும் அருப்புக்கோட்டை தொகுதி வேட்பாளர் சேதுபதி ஆகியோரும் உடனிருந்தனர்.

இன்று அதிகாலை நடைபெற்ற விஸ்வரூப தரிசனத்தில் அவர்கள் கலந்துகொண்டனர். தொடர்ந்து மூலவர், சண்முகர் ஆகியோருக்கு நடைபெற்ற விசேஷ தீபாராதனைகளைத் தரிசித்தனர். பின்னர் தட்சிணாமூர்த்தி, வள்ளி, தெய்வானை, சத்ரு சம்ஹார மூர்த்தி மற்றும் பெருமாள் சன்னதிகளுக்குச் சென்று சிறப்புப் பூஜைகள் செய்து வழிபட்டனர்.

எடப்பாடி பழனிசாமி குடும்பத்தினர் நேற்று பழனி முருகன் கோவிலில் தரிசனம் செய்ததைத் தொடர்ந்து, இன்று திருச்செந்தூரில் வழிபாடு நடத்தியுள்ளனர் என்பது குறிப்பிடத்தக்கது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: