தூத்துக்குடி சிவன் கோவில் சித்திரைத் திருவிழா தேரோட்டம் கோலாகலம்: ஆயிரக்கணக்கான பக்தர்கள் தரிசனம்!

தொடர்ந்து திரளான பக்தர்கள் 'ஓம் நமச்சிவாய' மற்றும் 'தென்னாடுடைய சிவனே போற்றி' என முழக்கமிட்டு வடம்பிடித்து இழுக்க, தேரோட்டம் தொடங்கியது. நான்கு ரத வீதிகளிலும் வலம் வந்த தேரைக் காண ஆயிரக்கணக்கான பக்தர்கள் திரண்டிருந்தனர். தேரோட்டத்தை முன்னிட்டு நான்கு ரத வீதிகளிலும் பலத்த போலீஸ் பாதுகாப்பு போடப்பட்டிருந்தது. பக்தர்களின் வசதிக்காகக் குடிநீர் மற்றும் மருத்துவ வசதிகளும் செய்யப்பட்டிருந்தன. 

தேருக்கு முன்பாக ஒயிலாட்டம், மயிலாட்டம், கரகாட்டம், மரக்கால் ஆட்டம், பொய்க்கால் குதிரை, ராஜமேளம், செண்டை மேளம், நையாண்டி மேளம், தப்பாட்டம், சிவகைலாய சிவபூதகண வாத்தியங்களுடன், மகளிர் கோலாட்டம் மற்றும் தேவார இன்னிசையுடன் வேதபாராயணம் பாட, சிலம்பாட்டம் வானவேடிக்கையுடன் மாணவ, மாணவியரின் வீர விளையாட்டுகளுடன் நடந்தது. 

விழாவில், வடக்கு மாவட்ட திமுக செயலாளரும், அமைச்சருமான கீதா ஜீவன், மேயர் ஜெகன் பெரியசாமி, மாநகர மாவட்ட அதிமுக செயலாளர் சி.த. செல்லப்பாண்டியன், கோவில் இணை ஆணையர் ரோஜாலி சுமதா, கோவில் செயல் அலுவலர் தமிழ்ச்செல்வி, ஆய்வாளர் ருக்மணி, சுப்பிரமணிய சுவாமி மகமை அறக்கட்டளை தலைவர் எம்.எஸ்.எஸ். கந்தப்பன், முன்னாள் அறங்காவலர் குழு தலைவர் கோட்டு ராஜா, கோவில் அறங்காவலர் குழு தலைவர்கள் கந்தசாமி மற்றும் செந்தில்குமார், அறங்காவலர்கள் பி.எஸ்.கே. ஆறுமுகம், ஜெயலட்சுமி, மற்றும் கே.ஜி. குமரன், பௌர்ணமி மாவிளக்கு கமிட்டி தலைவர் நெல்லையப்பன், ஏ.வி.எம். மருத்துவமனை மருத்துவர் சுப்புராஜ், தொழிலதிபர்கள் டி.ஏ. தெய்வநாயகம், ரமேஷ், ஜலதுர்கா வார வழிபாட்டு அறக்கட்டளை அமைப்பாளர் ஜெயராணி, கவுன்சிலர்கள் சுரேஷ்குமார், கீதா முருகேசன் உள்பட ஆயிரக்கணக்கான பக்தர்கள் கலந்து கொண்டனர்.