வாக்கு எண்ணும் மையத்தில் 3அடுக்கு பாதுகாப்பு : வாக்குப்பதிவு இயந்திரங்கள் அறைக்கு சீல்!

» செய்திகள் - விளையாட்டு » மாவட்ட செய்தி (தூத்துக்குடி)

வாக்கு எண்ணும் மையத்தில் 3அடுக்கு பாதுகாப்பு : வாக்குப்பதிவு இயந்திரங்கள் அறைக்கு சீல்!

வெள்ளி 24, ஏப்ரல் 2026 3:09:06 PM (IST)

தூத்துக்குடி வ.உ.சி அரசு பொறியியல் கல்லூரி வாக்கு எண்ணும் மையத்தில், வாக்குப்பதிவு இயந்திரங்கள் அனைத்தும் 3 அடுக்கு பாதுகாப்புடன் இருப்பறையில் வைக்கப்பட்டு முத்திரையிடப்பட்டன.

2026 தமிழ்நாடு சட்டமன்றப் பொதுத்தேர்தல் வாக்குப்பதிவு நிறைவடைந்த நிலையில், தூத்துக்குடி மாவட்டத்தில் உள்ள 6 தொகுதிகளில் பயன்படுத்தப்பட்ட மின்னணு வாக்குப்பதிவு இயந்திரங்கள், கட்டுப்பாட்டு இயந்திரங்கள் மற்றும் வாக்காளர் சரிபார்ப்பு இயந்திரங்கள் இன்று (ஏப்ரல் 24) பாதுகாப்பாக வைக்கப்பட்டன.

தூத்துக்குடி அண்ணா பல்கலைக்கழக வளாகத்தில் உள்ள வ.உ.சி. அரசு பொறியியல் கல்லூரியில் அமைக்கப்பட்டிருந்த பாதுகாப்பு அறையில், மாவட்ட தேர்தல் அலுவலர் மற்றும் மாவட்ட ஆட்சியர் விஷு மகாஜன் தலைமையில், வேட்பாளர்கள் மற்றும் அவர்களது முகவர்கள் முன்னிலையில் இந்த இயந்திரங்கள் முத்திரையிடப்பட்டன. இந்த பாதுகாப்பு நடவடிக்கையை அந்தந்த தொகுதி தேர்தல் பொதுப் பார்வையாளர்கள் நேரில் பார்வையிட்டனர்.

இதில், விளாத்திகுளம் மற்றும் தூத்துக்குடி ஆகிய தொகுதிகளை எலுச்சூரி ரத்னாகர ராவ், திருச்செந்தூர் மற்றும் திருவைகுண்டம் ஆகிய தொகுதிகளை சோடிங்புயீ, ஒட்டப்பிடாரம் தொகுதியை அரவிந்த் குமார் வெர்மா ஆகியோர் பார்வையிட்டு ஆய்வு செய்தனர்.

வேட்பாளர்கள் மற்றும் அவர்களது முகவர்கள் முன்னிலையில், அனைத்து இயந்திரங்களும் முறையாகச் சரிபார்க்கப்பட்டு, பலத்த போலீஸ் பாதுகாப்போடு இருப்பறைகள் சீல் வைக்கப்பட்டன. தேர்தல் விதிமுறைகளின்படி, இந்த இருப்பறைகள் தொடர்ந்து 3 அடுக்கு காவல் பாதுகாப்பில் கண்காணிக்கப்படும் என்று தேர்தல் அதிகாரிகள் தெரிவித்தனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: