கான்ஸ்டன்டைன் ரவீந்திரன் எம்.பி-யாக தேர்வு : உதயநிதி ஸ்டாலினுக்கு மீனவச் சமூகத்தினர் நன்றி!

மீனவர் சமூகத்தைச் சேர்ந்த பேராசிரியர் கான்ஸ்டன்டைன் ரவீந்திரனை மாநிலங்களவை உறுப்பினராகத் தேர்வு செய்ததற்காக, தமிழக முதல்வர் மு.க. ஸ்டாலினுக்கு நன்றி தெரிவிக்கும் வகையில், தூத்துக்குடி வருகை தந்த துணை முதல்வர் உதயநிதி ஸ்டாலினுக்கு மீனவச் சமூகத்தினர் நேரில் சந்தித்து வாழ்த்து தெரிவித்தனர்.

தமிழகத்திலிருந்து மாநிலங்களவை உறுப்பினராகப் பரதர் குலத்தைச் சேர்ந்த பேராசிரியர் கான்ஸ்டன்டைன் ரவீந்திரன் அண்மையில் தேர்வு செய்யப்பட்டார். மீனவர் சமுதாயத்திற்குப் பிரதிநிதித்துவம் அளிக்கும் வகையில் இந்த முக்கிய வாய்ப்பை வழங்கிய தமிழக முதல்வருக்குச் சமூகத்தின் பல்வேறு தரப்பினரும் பாராட்டு தெரிவித்து வருகின்றனர்.

இந்நிலையில், அரசு முறைப் பயணமாகத் தூத்துக்குடி மாவட்டத்திற்கு வருகை தந்த துணை முதல்வர் உதயநிதி ஸ்டாலினை, கோரமண்டல் சமூக நற்பணி மன்றத் தலைவர் பிரின்ஸ்டன் மெரிண்டோ வி. ராயன் தலைமையிலான நிர்வாகிகள் நேரில் சந்தித்தனர். மீனவச் சமூகத்தைச் சேர்ந்த ஒருவரை டெல்லி அவைக்கு அனுப்பி வைத்ததற்காக முதல்வருக்குத் தங்கள் நெஞ்சார்ந்த நன்றியைத் தெரிவித்துக்கொண்டதோடு, துணை முதல்வருக்குப் பூங்கொத்து கொடுத்து உற்சாக வரவேற்பு அளித்தனர்.