தீப்பெட்டி ஆலை தீவிபத்து: உயிரிழப்பு 3-ஆக உயர்வு!

» செய்திகள் - விளையாட்டு » மாவட்ட செய்தி (தூத்துக்குடி)

தீப்பெட்டி ஆலை தீவிபத்து: உயிரிழப்பு 3-ஆக உயர்வு!

புதன் 4, மார்ச் 2026 8:13:16 AM (IST)

கோவில்பட்டி அருகே தீப்பெட்டி ஆலை தீ விபத்தில் சிக்கி, தீவிர சிகிச்சை பெற்று வந்த மேலும் இருவர் சிகிச்சை பலனின்றி உயிரிழந்தனர். இதனால் இந்த விபத்தில் பலியானோரின் எண்ணிக்கை 3-ஆக உயர்ந்துள்ளது.

தூத்துக்குடி மாவட்டம், கோவில்பட்டி இலுப்பையூரணி நியூ வெங்கடேஷ் நகரைச் சேர்ந்த காளிமுத்து மகன் முருகன் என்பவர், பாண்டவர்மங்கலம் பகுதியில் தீப்பெட்டி ஆலை நடத்தி வருகிறார். கடந்த திங்கள்கிழமை, சிவகாசியிலிருந்து சுமை வாகனத்தில் கொண்டு வரப்பட்ட தீக்குச்சி மூட்டைகளை ஆலையின் அருகிலுள்ள கிடங்கில் இறக்கி வைக்கும் பணியில் தொழிலாளர்கள் ஈடுபட்டிருந்தனர்.

அப்போது எதிர்பாராத விதமாக ஏற்பட்ட தீ விபத்தில், விஜயாபுரி கீழத் தெருவைச் சேர்ந்த சமுத்திரம் மகன் கார்த்திக் (27) சம்பவ இடத்திலேயே உயிரிழந்தார். இந்த விபத்தில் பலத்த காயமடைந்த பாண்டவர்மங்கலம் பகுதியில் தங்கி வேலை செய்து வந்த கேரளத்தைச் சேர்ந்த கணேசன் (47) மற்றும் சுமை வாகன ஓட்டுநரான சிவகாசி பேரநாயக்கன்பட்டியைச் சேர்ந்த சுடலைமுத்து (42) ஆகிய இருவர் மீட்கப்பட்டனர்.

அவர்கள் இருவரும் கோவில்பட்டி அரசு மருத்துவமனையில் முதலுதவி சிகிச்சைக்குப் பின், மேல் சிகிச்சைக்காகத் தூத்துக்குடி அரசு மருத்துவக் கல்லூரி மருத்துவமனையில் அனுமதிக்கப்பட்டனர். அங்கு தீவிர சிகிச்சை அளிக்கப்பட்டும் பலனின்றி இருவரும் நேற்று உயிரிழந்தனர்.

இந்த விபத்து குறித்து நாலாட்டின்புதூர் போலீஸார் வழக்குப் பதிவு செய்து, தீ விபத்திற்கான காரணம் மற்றும் பாதுகாப்பு விதிமுறைகள் பின்பற்றப்பட்டதா என்பது குறித்து தீவிர விசாரணை மேற்கொண்டு வருகின்றனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: