தூத்துக்குடி அருகே கஞ்சா விற்ற 2 வாலிபர்கள் கைது!

சாகுபுரம் பகுதியில் கஞ்சா விற்பனையில் ஈடுபட்டிருந்த இரண்டு இளைஞர்களைப் போலீசார் கைது செய்து, அவர்களிடமிருந்த கஞ்சா பொட்டலங்களைப் பறிமுதல் செய்தனர்.

தூத்துக்குடி மாவட்டம், ஆறுமுகநேரி காவல் உதவி ஆய்வாளர் சுந்தர்ராஜ் தலைமையிலான போலீசார் நேற்று சாகுபுரம் பகுதியில் ரோந்துப் பணியில் ஈடுபட்டிருந்தனர். அப்போது அங்குள்ள ஒரு தேவாலயம் அருகே சந்தேகத்திற்கிடமான வகையில் நின்றிருந்த இரண்டு இளைஞர்கள், போலீசாரைக் கண்டதும் தப்பியோட முயன்றனர். 

போலீசார் அவர்களை மடக்கிப் பிடித்துச் சோதனை செய்தபோது, அவர்களது உடையில் மறைத்து வைக்கப்பட்டிருந்த கஞ்சா பொட்டலங்கள் சிக்கின. சுமார் 125 கிராம் எடையுள்ள கஞ்சாவைப் பறிமுதல் செய்த போலீசார் அவர்களைக் கைது செய்தனர்.

விசாரணையில் அவர்கள், உச்சிநிமாகாளி அம்மன் கோவில் தெருவைச் சேர்ந்த சின்னத்துரை மகன் விக்னேஷ் (23) மற்றும் காயல்பட்டினம் ரத்தினாபுரி பகுதியைச் சேர்ந்த ரத்தினம் மகன் ராஜீவ் பிரபு (23) என்பது தெரியவந்தது. இவர்கள் அந்தப் பகுதியில் வேலைக்குச் செல்லும் தொழிலாளர்களுக்குக் கஞ்சா விற்று வந்ததும் விசாரணையில் உறுதி செய்யப்பட்டது. இது குறித்து ஆறுமுகநேரி போலீசார் வழக்குப் பதிவு செய்து தொடர்ந்து விசாரணை நடத்தி வருகின்றனர்.