தூத்துக்குடியில் தொழிற்சங்கங்கள் ஆர்ப்பாட்டம்

தூத்துக்குடியில் மத்திய அரசைக் கண்டித்து அனைத்து தொழிற்சங்கங்கள் சார்பில் ஆர்ப்பாட்டம் நடந்தது. 

அரசு துறைகளில் பணியாற்றும் ஒப்பந்த தொழிலாளர்களை நிரந்தரம் செய்ய வேண்டும் என்பன உள்ளிட்ட பல்வேறு கோரிக்கைகளை வலியுறுத்தி தூத்துக்குடி சிதம்பரநகர் பஸ் நிறுத்தம் அருகே அனைத்து தொழிற்சங்கத்தினர் ஆர்ப்பாட்டத்தில் ஈடுபட்டனர். ஆர்ப்பாட்டத்துக்கு தொழிலாளர் முன்னேற்ற பேரவை மாவட்ட செயலாளர் சுசி.ரவீந்திரன் தலைமை தாங்கினார்.

சிஐடியு  மாவட்ட நிர்வாகிகள் முனியசாமி மணவாளன், ரவி தாகூர் சங்கரன், காசி,  சிவபெருமான்  உப்பு சங்க மாவட்ட தலைவர் பொன்ராஜ், ஏஐடியுசி சார்பில் மாவட்ட பொருளாளர் பாலசிங்கம், நகர்மன்ற உறுப்பினர் தனலட்சுமி ராஜ்குமார் ஹெச் எம் எஸ் சார்பில் மாவட்ட தலைவர் ராஜ்குமார், ராஜலட்சுமி ஹெச்.எம்.எஸ். உழைப்பாளர் சங்கம் மாவட்ட தலைவர் டாக்டர் ராஜலக்ஷ்மி துணைத் தலைவர் ராதா, ஐஎன்டியுசி மாநில துணைத் தலைவர் ராஜ், பாலகிருஷ்ணன், சுரேஷ்குமார் தொமுச சார்பில் முருகன், கருப்பசாமி, ராமசாமி, ஏஐசிசிடியு மாவட்ட தலைவர் அம்ஜத், மாவட்ட செயலாளர் சிவராமன், சகாயம், முருகன் அகில இந்திய விவசாய தொழிலாளர் சங்கத்தின் மாநில பொதுச் செயலாளர் அமிர்தலிங்கம் ஆகியோர் கலந்து கொண்டு பேசினர்.