கடத்தப்பட்ட 2 அடி உயர பழங்கால அம்மன் சிலை மீட்பு: தூத்துக்குடியில் பரபரப்பு

» செய்திகள் - விளையாட்டு » மாவட்ட செய்தி (தூத்துக்குடி)

கடத்தப்பட்ட 2 அடி உயர பழங்கால அம்மன் சிலை மீட்பு: தூத்துக்குடியில் பரபரப்பு

வியாழன் 15, மே 2025 8:25:00 AM (IST)

தூத்துக்குடியில் கடத்தப்பட்ட 2 அடி உயர பழங்கால அம்மன் சிலையை போலீசார் மீட்டனர். இதுதொடர்பாக தி.மு.க. பிரமுகர் உள்ளிட்ட 4 பேரிடம் போலீசார் தீவிர விசாரணை நடத்தி வருகின்றனர்.

தூத்துக்குடியில் சிலை கடத்தல் கும்பல் பழங்கால சிலையை மற்றொரு கும்பலுக்கு விற்பனை செய்ய இருப்பதாக, நெல்லை சிலை கடத்தல் தடுப்பு பிரிவு போலீசாருக்கு ரகசிய தகவல் கிடைத்தது. இதையடுத்து கூடுதல் கண்காணிப்பாளர் பாலமுருகன் தலைமையில், இன்ஸ்பெக்டர், சப்-இன்ஸ்பெக்டர்கள் அடங்கிய குழுவினர் நேற்று காலையில் தூத்துக்குடிக்கு சென்றனர்.

தூத்துக்குடி புறநகர் பகுதியில் உள்ள குடோனில் அதிரடியாக சோதனை நடத்தினர். அப்போது அங்கிருந்த 4 பேரை போலீசார் சுற்றி வளைத்து பிடித்தனர். அவர்கள் வைத்திருந்த பையில் சோதனை செய்தபோது, சுமார் 2 அடி உயர பழங்கால அம்மன் சிலை இருந்தது. அதனை போலீசார் பறிமுதல் செய்தனர். மேலும் பிடிபட்ட 4 பேரையும் நெல்லையில் உள்ள சிலை கடத்தல் தடுப்பு பிரிவு போலீஸ் நிலையத்திற்கு அழைத்து வந்து விசாரித்தனர்.

விசாரணையில், அவர்கள் தூத்துக்குடி மாவட்டம் ஓட்டப்பிடாரம் பகுதியைச் சேர்ந்தவர்கள் என்பதும், அவர்களில் ஒருவர் தி.மு.க. பிரமுகர் என்பதும் தெரியவந்தது. அவர்களுக்கு பழங்கால சிலை எப்படி கிடைத்தது? ஏதேனும் கோவிலில் இருந்து கடத்தி வந்தனரா?, இதற்கு வேறு யாரேனும் உடந்தையா? என பல்வேறு கோணங்களில் தீவிர விசாரணை நடத்தினர்.

பறிமுதல் செய்யப்பட்ட அம்மன் சிலை ஐம்பொன்னால் செய்யப்பட்டதாக இருக்கலாம் என்றும், இதன் மதிப்பு பல லட்சம் ரூபாய் இருக்கலாம் என்றும் கூறப்படுகிறது. இதனை உறுதி செய்வதற்காக சிலையை ஆய்வக பரிசோதனைக்காக மதுரைக்கு அனுப்ப உள்ளதாக போலீசார் தெரிவித்தனர். தூத்துக்குடியில் கடத்தப்பட்ட பழங்கால அம்மன் சிலை மீட்கப்பட்ட சம்பவம் பரபரப்பை ஏற்படுத்தியது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: