மன்னராட்சிக்கு உதாரணம் திமுக: முன்னாள் அமைச்சர் கடம்பூர் ராஜூ பேச்சு!

தூத்துக்குடி மாவட்டம் விளாத்திகுளத்தில், அதிமுக பூத் கமிட்டி ஆலோசனை கூட்டம் நடைபெற்றது. இக்கூட்டத்தில் முன்னாள் அமைச்சரும், தூத்துக்குடி வடக்கு மாவட்டச் செயலாளருமான கடம்பூர் ராஜூ தலைமை வகித்து கட்சியினருக்கு ஆலோசனை கூறினார். பூத் கமிட்டியில் கட்சியில் இருக்கும் இளைஞர்களுக்கு அதிக வாய்ப்பளிக்க வேண்டும் என்றும், அஇஅதிமுகவில் புதிதாக சேர்க்கப்பட்டிருக்கும் விளையாட்டு பிரிவுக்கு உறுப்பினர்களை சேர்க்க வேண்டும் என்றும் கேட்டுக் கொண்டார். 

மேலும், தமிழகத்தில் நிலவி வரும் மோசமான சட்டம் ஒழுங்கு பற்றியும், திமுக அரசையும், முதல்வர் மு.க.ஸ்டாலின் குடும்பத்தினரையும் விமர்சனம் செய்து மன்னராட்சிக்கு உதாரணம் திமுக என்றும், மக்களாட்சிக்கு உதாரணம் அதிமுக என்றும்" பேசினார். இந்நிகழ்வில் முன்னாள் சட்டமன்ற உறுப்பினர் பெருமாள், சின்னப்பன், முன்னாள் சேர்மன் முனியசக்தி ராமச்சந்திரன், அம்மா பேரவை செயலாளர் வரதராஜ பெருமாள், கலை இலக்கிய அணி அமைப்பாளர் போடு சாமி, நகரச் செயலாளர் மாரிமுத்து, அதிமுக நிர்வாகிகள் வேல்முருகன், மகளிர் அணி சாந்தி, வார்டு கவுன்சிலர் பிரியா உட்பட பலர் கலந்து கொண்டனர்.