சாலைகளில் திரியும் கால்நடைகளால் அடிக்கடி விபத்து: நடவடிக்கை எடுக்க எஸ்டிபிஐ கோரிக்கை!

தூத்துக்குடியில் சாலைகளில் திரியும் கால்நடைகளால் அடிக்கடி விபத்து ஏற்பட்டு வருகிறது. இதனை தடுக்க நடவடிக்கை எடுக்க வேண்டும் என  எஸ்டிபிஐ கட்சி வலியுறுத்தியுள்ளது.. 

எஸ்டிபிஐ கட்சியின் சார்பில் எதிர்வரும் ஜனவரி 07, 2024 அன்று மதுரையில் நடைபெறவிருக்கும்  வெல்லட்டும் மதச்சார்பின்மை பாதுகாப்பு மாநாட்டினை முன்னிட்டு எஸ்டிபிஐ கட்சியின் தூத்துக்குடி மாவட்ட செயற்குழு கூட்டம்  தூத்துக்குடி மாவட்ட அலுவலகத்தில் மாவட்ட தலைவா் முஹம்மது உமர் தலைமையில் நடைபெற்றது. மாவட்ட அமைப்பு பொது செயலாளர் அப்துல் காதர் வரவேற்புரை நிகழ்தினாா்.

சிறப்பு அழைப்பாளர்களாக மாநில மீனவர் அணி துணை ஒருங்கினைப்பாளர் கெளது மைதீன், SDTU மாவட்ட தலைவா் குலசை தாஹிா் ஆகியோர் கலந்து கொண்டனர். மாவட்டச் செயலாளர் மின்னல் அம்ஜத், செயற்குழு உறுப்பினர்கள் மைதீன்கனி, ஷேக் முகைதீன், நவாஸ் ஆகியோர் முன்னிலை வகித்தனர். இறுதியாக மாவட்ட துணை தலைவர் அஷ்ரப் அலி பைஜி நன்றியுரை வழங்கினாா். கூட்டத்தில் தொகுதி நிர்வாகிகள் பலர் கலந்துக்கொண்டனர்.  

கூட்டத்தில் மதுரையில் நடைபெற இருக்கும் எஸ்டிபிஐ கட்சி வெல்லட்டும் மதச்சார்பின்மை பாதுகாப்பு மாநாட்டை முன்னிட்டு தூத்துக்குடி மாவட்டம் முழுவதும் அதன் விளக்க தெருமுனை கூட்டங்கள் நடத்துவது, தூத்துக்குடி மாவட்டம் முழுவதும் சாலைகளில் அதிகமான மாடுகள் நடமாடுவதால் வாகன ஓட்டிகளுக்கு அடிக்கடி விபத்து ஏற்பட்டு வருகிறது அதனை தடுப்பதற்கு மாவட்ட நிர்வாகம் கடுமையான நடவடிக்கை எடுக்க வேண்டும்.

தற்பொழுது தூத்துக்குடி மாவட்டம் முழுவதும் நல்ல மழை பெய்து வருவதால் விஷக்காய்ச்சல் அதிகமாக பரவி வருகிறது எனவே மாவட்ட நிர்வாகம் காய்ச்சல் பரவுவதை தடுக்க போர் கால அடிப்படையில் நடவடிக்கை எடுக்க வேண்டும். வருகின்ற டிசம்பர் 6 பாபர் மஸ்ஜித் இடிக்கப்பட்ட தினத்தை கண்டித்து 31 ஆண்டுகால அநீதி என்ற தலைப்பில் தூத்துக்குடி மாவட்டத்தில் செய்துங்கநல்லூரில் வைத்து நடைபெறும் கண்டன ஆர்ப்பாட்டத்திற்கு மக்கள் திரளாக கலந்து கொள்ள வேண்டும் எனவும் தீர்மானங்கள் நிறைவேற்றப்பட்டன.