மதர் பொறியியல் கல்லூரிக்கு அதிகபட்ச நட்சத்திர அந்தஸ்து! மத்திய கல்வி அமைச்சகம் வழங்கியது!

தூத்துக்குடி வாகைக்குளம், மதர் தெரசா பொறியியல் கல்லூரிக்கு அகில இந்திய அளவில் அதிகபட்ச நட்சத்திர அந்தஸ்தான 4 ஸ்டார் மத்திய கல்வி அமைச்சகம் வழங்கியுள்ளது.

மதர் தெரசா பொறியியல் கல்லூரியில் மத்திய அமைச்சகத்தின் வழிகாட்டுதலின் பேரில் தொழில் முனைவோரை உருவாக்குவது, அரசின் ஸ்டார்ட்அப் நிகழ்வில் பங்கேற்பது, லாபகரமான அறிவுசார் படைப்புகள், புதிய கண்டுபிடிப்புகள், கல்லூரியின் சிறப்பான செயல்பாடுகள் அனைத்தும் அதிகமாக நடத்தப்படுகிறது. தமிழ்நாடு ஸ்டார்ட்- அப் போட்டி, தேசிய அளவிலான போட்டிகளில் கல்லூரி மாணவர்கள் பங்கேற்று பரிசுகள் வென்றுள்ளனர். ஆசிரியர்களும், மாணவர்களும், புதிய கண்டுபிடிப்புகளுக்கு காப்புரிமை பெற்றுள்ளனர்.

இதனைக் கருத்தில் கொண்டு மத்திய கல்வி அமைச்சகம், இந்தியா முழுவதிலும் உள்ள கல்லூரிகளில் தேர்வு செய்யப்பட்ட, தமிழகத்தின் தென்மண்டல அளவிலான பல்வேறு கல்லூரிகளின் பட்டியலில் மதர் தெரசா பொறியியல் சிறப்பிடம் பெற்று அதிகபட்ச நட்சத்திர அந்தஸ்தான 4 ஸ்டார் பெற்று சிறப்பிடம் பெற்றுள்ளது.

மதர் தெரசா பொறியியல் கல்லூரி அதிகபட்ச நட்சத்திர அந்தஸ்து பெற ஊக்கம் அளித்த கல்லூரி இயக்குநர் ஜார்ஜ் கிளிங்டன், முதல்வர் ஜாஸ்பர் ஞானச்சந்திரன், மற்றும் பேராசிரியர்கள் உள்ளிட்டோரை ஸ்காட் கல்வி குழும நிறுவனர் S.கிளிட்டஸ் பாபு, தாளாளர் பிரியதர்ஷினி அருண்பாபு ஆகியோர் பாராட்டினர்.