சிஎஸ்ஐ நிர்வாகத்தை கண்டித்து உண்ணாவிரத போராட்டம் அறிவிப்பு: தூத்துக்குடியில் பரபரப்பு

தூத்துக்குடியில் சிஎஸ்ஐ நிர்வாகத்தை கண்டித்து வட்டக்கோவில் எபனேசர் ஆலய வளாகத்தில்  உண்ணாவிரத போராட்டம் நடைபெறும் என்று அறிவிக்கப்பட்டுள்ளது. 

தூத்துக்குடி சிஎஸ்ஐ எபனேசர் ஆலயத்தின் நிர்வாகத்தை சீர்குலைக்கும் வகையில் செயல்பட்டு வரும் சேகர குருவும், திருமண்டல சமூக நலத்துறை இயக்குனருமான ஜெபக்குமார் ஜாலி என்பவரை பணியிட மாற்றம் செய்யாத தூத்துக்குடி - நாசரேத் திருமண்டல நிர்வாகத்தைக் கண்டித்து நாளை (27ம் தேதி) மாலை 6.00 மணி முதல் தொடர் உண்ணாவிரதப் போராட்டம் ஆலய வளாகத்தில் நடைபெறும் என்று அறிவிக்கப்பட்டுள்ளது. இது தொடர்பாக போஸ்டர் ஆலய வளாகத்தில் கட்டப்பட்டுள்ளது. இதனால் திருமண்டல நிர்வாகத்தினர் இடையே பரபரப்பு ஏற்பட்டுள்ளது.