தூத்துக்குடியில் கிரேன் கயிறு அறுந்து விபத்து : ஒர்க்ஷாப் அதிபர் மகன் உயிரிழப்பு!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடியில் கிரேன் கயிறு அறுந்து விபத்து : ஒர்க்ஷாப் அதிபர் மகன் உயிரிழப்பு!

வியாழன் 2, ஏப்ரல் 2026 12:18:24 PM (IST)

தூத்துக்குடியில் ஒர்க்ஷாப்பில் கிரேன் மூலம் இரும்பு பிளேட்டுகளை இறக்கும்போது, எதிர்பாராதவிதமாக கயிறு அறுந்து விழுந்ததில் பலத்த காயமடைந்த இன்ஜினியரிங் ஒர்க்ஷாப் அதிபர் மகன் சிகிச்சை பலனின்றி உயிரிழந்தார்.

தூத்துக்குடி எட்டயபுரம் சாலை ஹவுசிங் போர்டு காலனியைச் சேர்ந்தவர் முருகன். இவரது மகன் கணேசன் (42). இவருக்கு மனைவியும், ஒரு மகன் மற்றும் ஒரு மகள் உள்ளனர். முருகன், தூத்துக்குடி மச்சாது நகர் பகுதியில் தனது மகன் கணேசனுடன் இணைந்து 'இன்ஜினியரிங் ஒர்க்ஷாப்' நடத்தி வந்தார். இங்கு தூத்துக்குடி அனல் மின் நிலையத்திற்குத் தேவையான உதிரிபாகங்கள் தயாரிக்கப்பட்டு விநியோகம் செய்யப்பட்டு வந்தன.

நேற்று மும்பையிலிருந்து ஒரு கண்டெய்னர் லாரியில் தலா 30 கிலோ எடை கொண்ட இரும்பு பிளேட்டுகள் ஒர்க்ஷாப்பிற்கு வந்திறங்கின. லாரியில் இருந்த இரும்பு பிளேட்டுகளை கிரேன் மூலம் கயிறு கட்டி இறக்கும் பணியில் தொழிலாளர்கள் ஈடுபட்டிருந்தனர். அப்போது எதிர்பாராதவிதமாக கிரேனின் கயிறு திடீரென அறுந்தது.

இதில், ராட்சத இரும்பு பிளேட்டுகள் கீழே நின்றிருந்த கணேசன் மீது பயங்கரமாக விழுந்தன. இதில் உடல் நசுங்கி பலத்த காயமடைந்த அவரை, அங்கிருந்தவர்கள் மீட்டு உடனடியாக தூத்துக்குடி அரசு மருத்துவமனைக்குக் கொண்டு சென்றனர். அங்கு தீவிர சிகிச்சை அளிக்கப்பட்டும் பலனின்றி கணேசன் பரிதாபமாக உயிரிழந்தார்.

இந்த சம்பவம் குறித்துச் சிப்காட் காவல் நிலைய இன்ஸ்பெக்டர் தனசேகரன் வழக்குப் பதிவு செய்து விசாரணை நடத்தி வருகிறார். இரும்பு பிளேட்டுகள் இறக்கும்போது பாதுகாப்பு விதிமுறைகள் பின்பற்றப்பட்டதா என்பது குறித்தும் விசாரணை நடைபெற்று வருகிறது. இந்த சம்பவம் அப்பகுதியல் பெரும் சோகத்தை ஏற்படுத்தியுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: